Asianet News MalayalamAsianet News Malayalam

എറണാകുളത്ത് കൊവിഡ് ബാധിച്ച് ചികിത്സയിലായിരുന്ന വൃദ്ധ മരിച്ചു; സ്രവം പരിശോധനക്കയച്ചു

ന്യൂമോണിയ ബാധിച്ചതിനെ തുടർന്ന് ഐ സി യുവിൽ ചികിത്സയിലിരിക്കെ ഇന്ന് രാവിലെയായിരുന്നു മരണം. മരണം കൊവിഡ് മൂലമാണെന്ന് സ്ഥിരീകരിക്കുന്നതിനായി സ്രവം ആലപ്പുഴ എൻ ഐ വി ലാബിലേക്കയച്ചു.

old woman who was under covid treatment died in ernakulam
Author
Kochi, First Published Aug 10, 2020, 12:09 PM IST

കൊച്ചി: കൊവിഡ് ബാധിച്ച് എറണാകുളം കളമശ്ശേരി മെഡിക്കൽ കോളേജിൽ ചികിത്സയിലായിരുന്ന ആലുവ സ്വദേശി മരിച്ചു. ആലുവ കടുങ്ങല്ലൂർ കാമിയമ്പാട്ട് ലീലാമണിയമ്മയാണ് മരിച്ചത്. 71 വയസായിരുന്നു.

മരണം കൊവിഡ് മൂലമാണെന്ന് സ്ഥിരീകരിക്കുന്നതിനായി ഇവരുടെ സ്രവം ആലപ്പുഴ എൻ ഐ വി ലാബിലേക്കയച്ചു. ലീലാമണിയമ്മക്ക് രക്തസമ്മർദ്ദം, പ്രമേഹം, ഹൃദ്രോഗം, കടുത്ത ശ്വാസകോശ രോഗങ്ങൾ എന്നിവയുണ്ടായിരുന്നു. ന്യൂമോണിയ ബാധിച്ചതിനെ തുടർന്ന് ഐ സി യുവിൽ ചികിത്സയിലിരിക്കെ ഇന്ന് രാവിലെയായിരുന്നു മരണം.

എറണാകുളം ജില്ലയിൽ ഇന്നലെ രോഗം സ്ഥിരീകരിച്ച  54 പേരില്‍  48 പേർക്കും സമ്പർക്കത്തിലൂടെയാണ് കൊവിഡ് ബാധയുണ്ടായത്. ജില്ലയിൽ 4 ആരോഗ്യപ്രവർത്തകർക്കും ഒരു നാവികസേന ഉദ്യോഗസ്ഥനും രോഗം ഇന്നലെ സ്ഥിരീകരിച്ചു. പശ്ചിമ കൊച്ചിയിൽ രോഗവ്യാപനം രൂക്ഷമായി തുടരുകയാണ്. ഫോർട്ട്കൊച്ചി ക്ലസ്റ്ററിൽ 20 പേർക്കും ചെല്ലാനത്ത് 3 പേർക്കും കൊവിഡ്. നഗരപരിധിയിൽ 6 പേർക്ക് കൂടി രോഗബാധ ഉണ്ടായി.

കടവന്ത്രയിലെ സ്വകാര്യ സ്ഥാപനത്തിലെ മൂന്ന് ജീവനക്കാർക്കും കൊവിഡ് സ്ഥിരീകരിച്ചു. അങ്കമാലി തുറവൂരിൽ രണ്ട് പേർക്കും കോതമംഗലത്ത് മൂന്ന് പേർക്കും ഇന്നലെ വൈറസ് ബാധയുണ്ടായി. നിലവിൽ 1158 പേരാണ് ജില്ലയിൽ കൊവിഡ് സ്ഥിരീകരിച്ച് ചികിത്സയിലുള്ളത്. 

Follow Us:
Download App:
  • android
  • ios