വിഎസിനെ കാണാൻ പിണറായി എത്തി, കവടിയാറിലെ വീട്ടിലേക്ക്
കവടിയാറിലെ ഔദ്യോഗിക വസതിയിലെത്തിയാണ് മുഖ്യമന്ത്രി പിണറായി വിജയൻ വിഎസ് അച്യുതാനന്ദനെ കണ്ടത്.
തിരുവനന്തപുരം: വിഎസ് അച്യുതാനന്ദനെ കാണാൻ മുഖ്യമന്ത്രി പിണറായി വിജയൻ വീട്ടിലെത്തി. കവടിയാറിലെ വീട്ടിലായിരുന്നു കൂടിക്കാഴ്ച . ഉച്ചക്കാണ് മുഖ്യമന്ത്രി വിഎസിന്റെ വീട്ടിലെത്തിയത്. പത്തുമിനിറ്റോളം പിണറായി വിജയൻ വിഎസിന്റെ വീട്ടിൽ ചെലവഴിച്ചു.
പിണറായി എത്തുമ്പോൾ ഫിസിയോ തെറാപ്പി കഴിഞ്ഞ് വിശ്രമിക്കുകയായിരുന്നു വിഎസ്. വിഎസിനെ മുറിയിൽ ചെന്നാണ് പിണറായി കണ്ടത് . കൂടിക്കാഴ്ചക്ക് ശേഷം റൂമിൽ നിന്ന് ഇറങ്ങിയ പിണറായി വിജയൻ വിഎസ് ആരുൺകുമാറിനോട് വിഎസിന്റെ ആരോഗ്യ വിവരങ്ങൾ ചോദിച്ച് അറിഞ്ഞു. പത്ത് മിനിറ്റ് വീട്ടിൽ ചെലവഴിച്ച ശേഷമാണ് പിണറായി വിജയൻ മടങ്ങിയത്.
തുടര്ന്ന് വായിക്കാം: 'ജനങ്ങളില്ലാതെ കഴിയുന്നത് കഠിനമാണ്; ദിവസങ്ങള്ക്കകം പുറത്തിറങ്ങാനാകും': ചികിത്സയ്ക്ക് ശേഷം വിഎസ്...
കഴിഞ്ഞ ദിവസം തിരുവനന്തപുരത്തെത്തിയ സിപിഎം ജനറൽ സെക്രട്ടറി സീതാറാം യെച്ചൂരിയും വിഎസ് അച്യുതാനന്ദനെ സന്ദര്ശിച്ചിരുന്നു.
തുടര്ന്ന് വായിക്കാം: വിഎസ്സിന്റെ ആരോഗ്യനിലയെക്കുറിച്ച് വ്യാജ പ്രചാരണവും വാർത്തയും: ഡിജിപിക്ക് പരാതി...