ന്യൂനപക്ഷേമ പദ്ധതിയിലെ അനുപാതം റദ്ദാക്കിയ ഹൈക്കോടതി വിധി സ്വാഗതം ചെയ്ത് പി.ജെ.ജോസഫ്
ഓരോ സമുദായങ്ങൾ പറയുന്ന പോലെയല്ല കാര്യങ്ങൾ നടപ്പാക്കേണ്ടതെന്നും എല്ലാ വസ്തുതകളും പരിശോധിച്ചാണ് ഹൈക്കോടതിയിൽനിന്നും വിധിയുണ്ടായതെന്നും പിജെ ജോസഫ്
തൊടുപുഴ: ന്യൂനപക്ഷ വിദ്യാഭ്യാസ, ക്ഷേമ പദ്ധതി അനുപാതം റദ്ദാക്കിയ ഹൈക്കോടതി വിധി സ്വാഗതം ചെയ്യുന്നുവെന്ന് കേരള കോൺഗ്രസ് ചെയർമാൻ പി ജെ ജോസഫ്. ഹൈക്കോടതിയിൽ നിന്നും വന്ന ന്യായമായ വിധി നടപ്പാക്കാൻ സംസ്ഥാന സർക്കാർ തയ്യാറാവണമെന്നും പിജെ ജോസഫ് പറഞ്ഞു. ഓരോ സമുദായങ്ങൾ പറയുന്ന പോലെയല്ല കാര്യങ്ങൾ നടപ്പാക്കേണ്ടതെന്നും എല്ലാ വസ്തുതകളും പരിശോധിച്ചാണ് ഹൈക്കോടതിയിൽനിന്നും വിധിയുണ്ടായതെന്നും പറഞ്ഞ പിജെ ജോസഫ് പിന്നോക്കാവസ്ഥയെക്കുറിച്ച് കൂടുതൽ പഠനം പിന്നീട് നടത്താമെന്നും വ്യക്തമാക്കി.