പോറ്റിക്ക് ജാമ്യം കിട്ടിയത് സർക്കാറിനെതിരെ ആയുധമാക്കി കോൺഗ്രസും ബിജെപിയും. ജാമ്യത്തിന് കാരണം സർക്കാറിനറെ ഗൂഡാലോചനയാണെന്ന് പ്രതിപക്ഷനേതാവ് ആരോപിച്ചു
തിരുവനന്തപുരം: പോറ്റിക്ക് ജാമ്യം കിട്ടിയത് സർക്കാറിനെതിരെ ആയുധമാക്കി കോൺഗ്രസും ബിജെപിയും. ജാമ്യത്തിന് കാരണം സർക്കാറിനറെ ഗൂഡാലോചനയാണെന്ന് പ്രതിപക്ഷനേതാവ് ആരോപിച്ചു. മുഖ്യമന്ത്രിക്ക് ഉളുപ്പുണ്ടെങ്കിൽ അന്വേഷണം സിബിഐക്ക് വിടണമെന്ന് ബിജെപി അധ്യക്ഷൻ ആവശ്യപപെട്ടു. സ്വർണ്ണക്കൊള്ളയിലെ അന്വേഷണത്തെ കോൺഗ്രസ്സാണ് ഭയപ്പെടുന്നതെന്നാണ് സിപിഎം നിലപാട്. പോറ്റിക്കും ജാമ്യം കിട്ടിയതോടെ സ്വർണ്ണക്കൊള്ളക്കേസാകെ ആവിയാകുന്നുവെന്നാണ് പ്രതിപക്ഷവിമർശനം. കടകംപള്ളി സുരേന്ദ്രൻ അടക്കമുള്ള സിപിഎം നേതാക്കളിലേക്ക് അന്വേഷണം എത്താതിരിക്കാനുള്ള സർക്കാർ നീക്കമെന്നാണ് ആക്ഷേപം.
പ്രതികളുടെ കൂട്ടജാമ്യം ഉയർത്തി ഇനി സ്വർണ്ണക്കൊള്ളക്കേസ് സർക്കാറിനെതിരെ സജീവവിഷയമാക്കുകകയാണ് ലക്ഷ്യം. സോണിയാഗാന്ധിയും പോറ്റിയുമായുള്ള കൂടിക്കാഴ്ചയിലും സ്വർണ്ണക്കൊള്ളയിൽ ഊന്നിയാണ്സിപിഎമ്മിൻറെ പ്രതിരോധവും തിരിച്ചാക്രമണവും. പ്രതികൾക്ക് സ്വാഭാവിക ജാമ്യം കിട്ടിയാലും എസ്ഐടിയിൽ വിശ്വാസമുണ്ടെന്നെ ഹൈക്കോടതിയുടെ പരാമർശം സർക്കാറിന് പിടിവള്ളിയായിട്ടുണ്ട്. പക്ഷെ പ്രതികൾ കൂട്ടത്തോടെ ജയിൽവിടുന്നതിൽ പൊതുസമൂഹത്തിനുണ്ടാകുന്ന സംശയത്തിലും ആശങ്കകളിലുമാണ് പ്രതിപക്ഷ പ്രതീക്ഷ.
Related Articles
