Asianet News MalayalamAsianet News Malayalam

ചാലക്കുടിയിലും പാലക്കാടും വാഹനാപകടങ്ങൾ, നടന്നുപോകുകയായിരുന്ന സ്ത്രീ അടക്കം മൂന്നുപേർ മരിച്ചു

പരിയാരം ചില്ലായി ദേവസിയുടെ ഭാര്യയുമായ അന്നു (70), കൊന്നക്കുഴി തോമസിൻ്റെ ഭാര്യ ആനി (60) , ചിറ്റൂർ  പൊൽപ്പുള്ളി സ്വദേശി ദീപക് എന്നിവരാണ് മരിച്ചത്

Road accidents in Chalakudy and Palakkad
Author
First Published Mar 29, 2023, 7:46 AM IST

 

തൃശൂർ/പാലക്കാട്: ചാലക്കുടി പരിയാരത്ത് കാർ അപകടത്തിൽ 2 സ്ത്രീകൾ മരിച്ചു. കാൽനട യാത്രക്കാരിയും പരിയാരം ചില്ലായി ദേവസിയുടെ ഭാര്യയുമായ അന്നു (70),  കാറിലെ യാത്രക്കാരി കൊന്നക്കുഴി തോമസിൻ്റെ ഭാര്യ ആനി (60) എന്നിവരാണ് മരിച്ചത്. ചാലക്കുടി - അതിരപ്പിള്ളി റോഡിൽ പരിയാരം സിഎസ്ആർ കടവിലാണ് അപകടം. നിയന്ത്രണം വിട്ട കാർ മരത്തിലിടിക്കുകയായിരുന്നു. റോഡിൽ വളവുള്ള ഭാഗമാണിത്. തോമസാണ് കാർ ഓടിച്ചിരുന്നത്. പരുക്കേറ്റ തോമസ് ചാലക്കുടി സെൻ്റ് ജയിംസ് ആശുപത്രിയിൽ ചികിത്സയിലാണ്.  മൃതദേഹം ഇതേ ആശുപത്രിയിലെ മോർച്ചറിയിൽ. ഇന്ന് രാവിലെ 5.45നാണ് അപകടം. പള്ളിയിലേയ്ക്ക് പോകുകയായിരുന്നു അന്നു.

 

പാലക്കാട് വാഹനപകടത്തിൽ ഒരു മരണം സംഭവിച്ചു. എടത്തറയിൽ ഓട്ടോറിക്ഷയും ബൈക്കും കൂട്ടിയിടിച്ച് ഒരാൾ മരിച്ചു. ബൈക്ക് യാത്രക്കരനായ ചിറ്റൂർ  പൊൽപ്പുള്ളി സ്വദേശി ദീപക്കാണ് മരിച്ചത്. കൂടെയാത്ര ചെയ്തിരുന്ന ചിറ്റൂർ കുന്തിപ്പള്ളം സ്വദേശി വിഷ്ണുവിന് പരിക്കേറ്റു. രാത്രി പത്തരയോടെയാണ് അപകടം

Follow Us:
Download App:
  • android
  • ios