ശബരിമലയിലെ സുപ്രീംകോടതി കൈകാര്യം ചെയ്ത വിധം തെരഞ്ഞെടുപ്പിലെ തിരിച്ചടിക്ക് കാരണമായെന്ന് സിപിഐ. ദേശീയ കൗൺസിലിൽ ജനറൽ സെക്രട്ടറി അവതരിപ്പിച്ച പ്രവര്ത്തന റിപ്പോര്ട്ടിലാണ് പരാമര്ശം.
ദില്ലി: ലോക്സഭാ തെരഞ്ഞെടുപ്പിൽ അപ്രതീക്ഷിത തോൽവിക്കിടയാക്കിയതിന് കാരണം ശബരിമലയിലെ സുപ്രീംകോടതി വിധി കൈകാര്യം ചെയ്തതിലെ പാളിച്ചയാണെന്ന് വിലയിരുത്തി സിപിഐ. ദേശീയ കൗൺസിലിൽ ജനൽ സെക്രട്ടറി അവതരിപ്പിച്ച റിപ്പോര്ട്ടിലാണ് പരാമര്ശം. ഇടത് സര്ക്കാര് ശബരിമലയിൽ ബലപ്രയോഗം നടത്തിയെന്ന ധാരണ ജനങ്ങൾക്കിടയിലുണ്ടായെന്നും സിപിഐ റിപ്പോര്ട്ടിൽ പരാമര്ശം ഉണ്ട്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
കോൺഗ്രസ് അധ്യക്ഷനായിരിക്കെ രാഹുൽ ഗാന്ധി കേരളത്തിൽ മത്സരിക്കാനെത്തിയത് ദേശീയ തലത്തിൽ തെറ്റായ സന്ദേശം നൽകിയെന്നാണ് സിപിഐ വിലയിരുത്തൽ. തുടർച്ചയായി സിപിഐ വോട്ട് കുറയുന്നത് ഗൗരവമായി കാണേണ്ട കാര്യമാണെന്നും റിപ്പോര്ട്ടിലുണ്ട്. ഇടതുപക്ഷ പാര്ട്ടികളുടെ പുനരേകീകരണത്തെ കുറിച്ച് ആലോചനകൾ നടക്കണമെന്നും സിപിഐ വിലയിരുത്തുന്നു.
