പ്രസ്താവനയിൽ വിശദീകരണം നൽക്കേണ്ടത് നദ്വിയാണ്. അദ്ദേഹത്തിന്റെ പ്രസ്താവനയെ കുറിച്ച് അദ്ദേഹത്തോട് ചോദിക്കണം. ജനപ്രതിനിധികളുടെ സ്വകാര്യതയിലേക്ക് കടക്കുന്ന പ്രസ്താവന സമസ്ത നടത്താറില്ലെന്നും നേതൃത്വം
തിരുവനന്തപുരം: സമസ്ത നേതാവ് ഡോ. ബഹാവുദ്ദീൻ നദ്വിയുടെ ഇൻചാർജ് ഭാര്യ പരാമർശത്തെ തള്ളി സമസ്ത നേതൃത്വം. സ്വകാര്യ നോക്കേണ്ടത് സമസ്തയുടെ പണിയല്ലെന്നാണ് നേതൃത്വത്തിന്റെ പ്രതികരണം. സമസ്തയുടെ ചർച്ചാവിഷയമല്ലെന്നും സമസ്തയുടെ നയം ഇതല്ലെന്നും ജിഫ്രി മുത്തുക്കോയ തങ്ങൾ പറഞ്ഞു. പ്രസ്താവനയിൽ വിശദീകരണം നൽക്കേണ്ടത് നദ്വിയാണ്. അദ്ദേഹത്തിന്റെ പ്രസ്താവനയെ കുറിച്ച് അദ്ദേഹത്തോട് ചോദിക്കണം. ജനപ്രതിനിധികളുടെ സ്വകാര്യതയിലേക്ക് കടക്കുന്ന പ്രസ്താവന സമസ്ത നടത്താറില്ലെന്നും നേതൃത്വം വ്യക്തമാക്കി. സമസ്തയിലെ പ്രശ്ന പരിഹാരത്തിനു അനുരഞ്ജന ചർച്ച തുടരുകയാണെന്നും ചർച്ചകൾ പോസിറ്റീവ് ആണെന്നും അദ്ദേഹം അറിയിച്ചു. തർക്കങ്ങൾ ഉണ്ടാകും. അതൊക്കെ പരിഹരിക്കപ്പെടുമെന്നും ജിഫ്രി മുത്തുക്കോയ തങ്ങൾ കൂട്ടിച്ചേർത്തു.
ബഹാവുദ്ദീന് നദ് വിയുടെ വിവാദ പ്രസ്താവനക്കെതിരെ ഉമര് ഫൈസി മുക്കവും രംഗത്തെത്തി. ജനപ്രതിനിധികള്ക്ക് വൈഫ് ഇന് ചാര്ജുമാര് ഉണ്ടെന്ന നദ് വിയുടെ പ്രസ്താവന ശരിയായില്ലെന്ന് ഉമര് ഫൈസി മുക്കം പറഞ്ഞു. മുശാവറ അംഗം എന്ന നിലയില് അദ്ദേഹം വാക്കുകളില് സൂക്ഷ്മത പുലര്ത്തണം. പറയുന്ന കാര്യം സത്യസന്ധമായിരിക്കണം. എല്ലാ പാര്ട്ടികളുടേയും നേതാക്കളെ സംശയമുനയിലാക്കുന്ന പ്രസ്താവനയാണ് നദ് വി നടത്തിയത്. ഇത് സമസ്തയുടെ നിലപാടല്ലെന്നും ഉമര്ഫൈസി വ്യക്തമാക്കി.
മന്ത്രിമാര്ക്കും എംഎല്എമാര്ക്കുമെതിരെയാണ് അധിക്ഷേപ പരാമര്ശവുമായി സമസ്ത നേതാവ് ഡോ.ബഹാവുദ്ദീൻ നദ്വി കഴിഞ്ഞ ദിവസം രംഗത്തെത്തിയത്. പല മന്ത്രിമാര്ക്കും എംപിമാര്ക്കും എംഎൽഎമാര്ക്കും ഭാര്യക്കു പുറമേ ഇൻ ചാർജ് ഭാര്യമാരുണ്ടെന്നായിരുന്നു ഡോ.ബഹാവുദ്ദീൻ നദ്വിയുടെ വിവാദ പരാമര്ശം. ഇവര്ക്കൊക്കെ ഒരു ഭാര്യയായിരിക്കും ഉണ്ടാവുക. എന്നാല്, വൈഫ് ഇൻചാർജ്ജുകളായി വേറെ ആളുണ്ടാകും. ഇങ്ങനെ ഇല്ലാത്തവര് കൈ ഉയർത്താൻ പറഞ്ഞാൽ ആരും ഉണ്ടാവില്ലെന്നും ബഹുഭാര്യത്വത്തെ എതിർത്ത് ഇവരൊക്കെ സമൂഹത്തിൽ മാന്യന്മാരായി നടക്കുകയാണെന്നും ഡോ. ബഹാവുദ്ദീൻ നദ്വി പറഞ്ഞു. കേരള മുൻ മുഖ്യമന്ത്രിയായിരുന്ന ഇഎംഎസ് നമ്പൂതിരിപ്പാടിന്റെ അമ്മ 11 വയസ്സിലാണ് വിവാഹം ചെയ്തതെന്നും അദ്ദേഹം ചൂണ്ടിക്കാട്ടി. കോഴിക്കോട് മടവൂരിൽ സുന്നി മഹല്ല് ഫെഡറേഷൻ സമ്മേളനത്തിൽ സംസാരിക്കുമ്പോഴായിരുന്നു ഡോ.ബഹാവുദ്ദീൻ നദ്വിയുടെ പരാമര്ശം. അറബിക് സര്വ്വകലാശാലയുടെ ചാന്സിലറായി പ്രവര്ത്തിക്കുന്നയാളാണ് ഡോ.ബഹാവുദ്ദീൻ നദ്വി.
