രണ്ട് സ്വതന്ത്രരുടെ പിന്തുണയിലാണ് അവധി അപേക്ഷ പാസ്സാക്കിയത്. മേയറും പിന്തുണച്ചു. 51 പേർ അംഗീകരിച്ചെന്ന് മേയർ അറിയിച്ചു. പ്ലക്കാർഡുകളുമായി നടുത്തളത്തിലിറങ്ങിയ പ്രതിപക്ഷം ശക്തമായി പ്രതിഷേധിച്ചു.
തിരുവനന്തപുരം: കാപ്പാ കേസിൽ ജയിലിലുള്ള വാഴോട്ടുകോണം ബിജെപി കൗൺസിലർ ആർ സുഗതന്റെ അവധി അപേക്ഷ അംഗീകരിച്ച് തിരുവനന്തപുരം കോര്പറേഷൻ കൌണ്സിൽ യോഗം. സുഗതന് കൗൺസിലിൽ ഹാജരാകുന്നതിൽ ആറ് മാസത്തേക്ക് അവധി നൽകിയതായി കൗൺസിൽ യോഗം അംഗീകരിച്ചു. രണ്ട് സ്വതന്ത്രരുടെ പിന്തുണയിലാണ് അപേക്ഷ പാസ്സാക്കിയത്. കാസ്റ്റിംഗ് വോട്ടുമായി മേയറും പിന്തുണച്ചു. 51 പേർ അംഗീകരിച്ചെന്ന് മേയർ അറിയിച്ചു. സ്വതന്ത്ര കൌണ്സിലര് സുധീഷാണ് പിന്തുണച്ചത്. പ്ലക്കാർഡുകളുമായി നടുത്തളത്തിലിറങ്ങിയ പ്രതിപക്ഷം ശക്തമായി പ്രതിഷേധിച്ചു. കാപ്പാ കേസിൽ വിയ്യൂര് ജയിലിലാണ് ആര് സുഗതൻ.
