സൂര്യാഘാത മുന്നറിയിപ്പ് ബുധനാഴ്ച വരെ നീട്ടി. 11 മണി മുതല് മൂന്നു വരെയുള്ള സമയത്ത് സൂര്യപ്രകാശം ഏല്ക്കുന്നത് ഒഴിവാക്കണമെന്ന മുന്നറിയിപ്പ് നല്കിയിട്ടുണ്ട്.
തിരുവനന്തപുരം: സംസ്ഥാനത്ത് അതികഠിനമായ ചൂട് തുടരും. ചൂടിനെതിരെ ഉള്ള ജാഗ്രത നിർദേശം 10 വരെ നീട്ടി. തിരുവനന്തപുരം, കോട്ടയം, ആലപ്പുഴ ജില്ലകയിൽ ഉയര്ന്ന താപനില ശരാശരിയില് നിന്നും 3 മുതല് 4 ഡിഗ്രി വരെ ഉയരുവാന് സാധ്യത.
കൊല്ലം, പത്തനംതിട്ട, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ് എന്നീ ജില്ലകളില് ഉയര്ന്ന താപനില ശരാശരിയില് നിന്നും 2 മുതല് 3 ഡിഗ്രി വരെ ഉയർന്നേക്കും. 11 മണി മുതല് മൂന്നു വരെയുള്ള സമയത്ത് സൂര്യപ്രകാശം ഏല്ക്കുന്നത് ഒഴിവാക്കണമെന്ന മുന്നറിയിപ്പ് നല്കിയിട്ടുണ്ട്.
നിര്ജലീകരണം ഉണ്ടാകുമെന്നതിനാല് ധാരാളം വെള്ളം കുടിക്കണം. പൊള്ളല്, ക്ഷീണം എന്നിവ ഉണ്ടായാൽ ഉടനടി മെഡിക്കല് സഹായം തേടണമെന്ന നിര്ദേശവും നല്കിയിട്ടുണ്ട്. വരള്ച്ച, പകര്ച്ചവ്യാധി അടക്കം നേരിടാൻ കര്മ്മ സമിതികള് തയാറായിട്ടുണ്ട്.
