വയനാട്ടിലെ ഇക്കോ ടൂറിസം കേന്ദ്രങ്ങളിൽ വിനോദസഞ്ചാരികൾക്ക് വിലക്ക്
ഇവിടേക്കുള്ള പ്രവേശനം മാര്ച്ച് 1 മുതല് ഏപ്രില് 15 വരെയാണ് താത്കാലികമായി നിരോധിച്ചത്. വേനല് കടുത്തതിനെ തുടര്ന്ന് ഇവിടങ്ങളിൽ കാട്ടുതീ ഭീതി നിലനിൽക്കുന്നുണ്ട്
വയനാട്: വിനോദ സഞ്ചാര കേന്ദ്രങ്ങളില് വിനോദ സഞ്ചാരികൾക്ക് പ്രവേശനം നിരോധിച്ചു. വയനാട് വന്യജീവി സങ്കേതത്തിലെ മുത്തങ്ങ, തോല്പ്പെട്ടി ഇക്കോടൂറിസം കേന്ദ്രങ്ങളിലാണ് വിനോദ സഞ്ചാരികള്ക്ക് വിലക്കേർപ്പെടുത്തിയത്.
ഇവിടേക്കുള്ള പ്രവേശനം മാര്ച്ച് 1 മുതല് ഏപ്രില് 15 വരെയാണ് താത്കാലികമായി നിരോധിച്ചത്. വേനല് കടുത്തതിനെ തുടര്ന്ന് ഇവിടങ്ങളിൽ കാട്ടുതീ ഭീതി നിലനിൽക്കുന്നുണ്ട്. അതിര്ത്തി പ്രദേശമായതിനാൽ, കര്ണ്ണാടക, തമിഴ്നാട് സംസ്ഥാനങ്ങളിലെ വനപ്രദേശങ്ങളില് നിന്നും വന്യജീവികള് കൂട്ടത്തോടെ വരാനുള്ള സാധ്യതയും ഉണ്ട്. ഇതിനാലാണ് നിരോധനം ഏർപ്പെടുത്തിയിരിക്കുന്നത്.