ജാർഖണ്ഡ് സ്വദേശിയായ ഐആർഎസ് ഉദ്യോഗസ്ഥന്റെ വസതിയിലാണ് മൃതദേഹങ്ങൾ കണ്ടെത്തിയിരിക്കുന്നത്.
കൊച്ചി: എറണാകുളം കാക്കനാട് കസ്റ്റംസ് ക്വാർട്ടേഴ്സിൽ രണ്ട് പേരുടെ മൃതദേഹങ്ങൾ കണ്ടെത്തി. ജാർഖണ്ഡ് സ്വദേശിയായ ഐആർഎസ് ഉദ്യോഗസ്ഥന്റെ വസതിയിലാണ് മൃതദേഹങ്ങൾ കണ്ടെത്തിയിരിക്കുന്നത്. മൃതദേഹങ്ങൾ ആരുടെയാണെന്ന് കണ്ടെത്തിയിട്ടില്ല. സെന്ട്രല് എക്സൈസ് അസിസ്റ്റന്റ് കമ്മീഷണര് മനീഷ്, സഹോദരി ശാലിനി എന്നിവരുടേതെന്ന സൂചന പുറത്തുവരുന്നുണ്ട്.
മനീഷ് ഒരാഴ്ച ലീവിൽ ആയിരുന്നു. ലീവ് കഴിഞ്ഞു അഞ്ചു ദിവസം പിന്നിട്ടിട്ടും കാണാത്തതിനെ തുടർന്നാണ് ഓഫീസിൽ നിന്നും ഉദ്യോഗസ്ഥർ അന്വേഷിച്ചെത്തിയപ്പോഴാണ് മൃതദേഹങ്ങള് കണ്ടെത്തിയത്. റൂം തുറക്കാനുള്ള ശ്രമം നടത്തുകയാണ് പൊലീസ്. വീടിനുള്ളില് നിന്ന് ദുര്ഗന്ധം വമിച്ചിരുന്നതായി അയല്വാസികള് പറഞ്ഞു. അയല്ക്കാരുമായി ബന്ധം സൂക്ഷിച്ചിരുന്നവരായിരുന്നില്ല എന്നും പ്രദേവാസികള് പറഞ്ഞു.
