Asianet News Malayalam

റാന്നി മാടത്തരുവിയിൽ കുളിക്കാനിറങ്ങിയ വിദ്യാർത്ഥികൾ മുങ്ങിമരിച്ചു

ജനവാസ കേന്ദ്രത്തിൽ നിന്നും ഏറെ അകലെയുള്ള  മാടത്തരുവിയിൽ നാട്ടുകാർ എത്തിയപ്പോഴേക്കും ഇരുവരും മരണപ്പെട്ടിരുന്നു. 

two students drowned to death in pathanamthitta
Author
Ranni, First Published Apr 8, 2021, 6:02 PM IST
  • Facebook
  • Twitter
  • Whatsapp

പത്തനംതിട്ട: റാന്നി മാടത്തരുവിയിൽ കുളിക്കാനിറങ്ങിയ രണ്ട് വിദ്യാർത്ഥികൾ മുങ്ങി മരിച്ചു. ചേത്തയ്ക്കൽ സ്വദേശികളായ ശബരി, ജിത്തു എന്നിവരാണ് മരിച്ചത്.  ഒൻപതാം ക്ലാസ് വിദ്യാർത്ഥികളായ മൂന്ന് പേരാണ് അരുവിയിൽ കുളിക്കാൻ ഇറങ്ങിയത്. 

ഇവരോടൊപ്പമുണ്ടായിരുന്ന ദുർഗാദത്ത് പാറയുടെ മുകളിൽ വച്ചിരുന്ന മൊബൈൽ ഫോൺ എടുക്കാൻ പോയി തിരിച്ചു വന്നപ്പോഴാണ് പാറയുടെ ഉള്ളിലെ അള്ളിൽ ശബരിയും, ജിത്തുവും കുടുങ്ങിക്കിടക്കുന്നത് കണ്ടത്. ജനവാസ കേന്ദ്രത്തിൽ നിന്നും ഏറെ അകലെയുള്ള  മാടത്തരുവിയിൽ നാട്ടുകാർ എത്തിയപ്പോഴേക്കും ഇരുവരും മരണപ്പെട്ടിരുന്നു. 

ഇരുവരുടെയും മൃതദേഹം റാന്നി ജനറൽ ആശുപത്രിയിൽ സൂക്ഷിച്ചിരിക്കുകയാണ്. പത്തനംതിട്ട ജനറൽ ആശുപത്രിയിൽ നാളെ പോസ്റ്റ്മോർട്ടം ചെയ്തശേഷം ബന്ധുക്കള്‍ക്ക് വിട്ടുകൊടുക്കും.

Follow Us:
Download App:
  • android
  • ios