സജി ചെറിയാന്റെ ചരിത്രം എല്ലാർക്കും അറിയാം. സജി ചെറിയാൻ കേരളത്തെയാണ് അപമാനിക്കുന്നത്. ഭരണഘടനയെ അവഹേളിച്ചയാളെന്നും കേന്ദ്രമന്ത്രി.
കോഴിക്കോട്: പ്രധാനമന്ത്രിയുടെ ക്രിസ്മസ് വിരുന്നില് പങ്കെടുത്ത ക്രൈസ്തവ മതമേലധ്യക്ഷന്മാരെ അവഹേളിച്ച മന്ത്രി സജി ചെറിയാനെതിരെ കേന്ദ്ര മന്ത്രി വി.മുരളീധരന് രംഗത്ത്.സജി ചെറിയാൻ ബിഷപ്പുമാരെ അവഹേളിച്ച് സംസാരിച്ചത് കേരളത്തെ അപമാനിക്കുന്നതാണ്. സജി ചെറിയാൻ നേരത്തെ ഭരണഘടനയെ അവഹേളിച്ചയാളാണ്. പ്രധാനമന്ത്രി ആരെ വസതിയിലേക്ക് ക്ഷണിച്ചാലും അവർക്ക് അത് അഭിമാനമാണ്. അധിക്ഷേപിക്കുന്നവർക്ക് പിണറായി സ്ഥാനം നൽകുന്നു. പഴയ തലമുറയിലെ ആർ ഷോയാണ് സജി ചെറിയാനെന്നും അദ്ദേഹം പരിഹസിച്ചു.
എന്തെങ്കിലും സ്ഥാനം കിട്ടും എന്നാണ് സജി ചെറിയാന്റെ ലക്ഷ്യം. അരമന തോറും പോകുന്ന സജി ചെറിയാനെകുറിച്ച് എന്ത് പ്രഹസനമാണ് സജി എന്ന സിനിമ ഡയലോഗാണ് ഓർമ്മ വരുന്നത്. സജി ചെറിയാന്റെ ചരിത്രം എല്ലാർക്കും അറിയാം.മണിപ്പൂർ കലാപം സംബന്ധിച്ച് സി പി എമ്മും കോൺഗ്രസും നടത്തിയ പ്രചാരണം പൊളിഞ്ഞുവെന്നും വി.മുരളീധരന് പറഞ്ഞു
