Asianet News Malayalam

​ഗർഭിണികൾക്ക് കൊവിഡ് വാക്സീൻ നൽകാൻ മാതൃകവചം ക്യാംപെയിനുമായി ആരോ​ഗ്യ വകുപ്പ്

നിലവിൽ രാജ്യത്ത് നൽകുന്ന ഏത് വാക്സീൻ വേണമെങ്കിലും ​ഗർഭിണികൾക്ക് സ്വീകരിക്കാവുന്നതാണ്.​ഗർഭാവസ്ഥയുടെ ഏത് കാലയളവിലും വാക്സീൻ സ്വീകരിക്കാനാകും.

vaccine campaign for pregnant women mathrukavacham by kerala health department
Author
Trivandrum, First Published Jul 12, 2021, 5:27 PM IST
  • Facebook
  • Twitter
  • Whatsapp

തിരുവനന്തപുരം:​സംസ്ഥാനത്തെ മുഴുവൻ ​ഗർഭിണികൾക്കും വാക്സീൻ നൽകാൻ മാതൃകവചം ക്യാംപെയിൻ തയാറാക്കിയെന്ന് ആരോ​ഗ്യവകുപ്പ് മന്ത്രി വീണ ജോർജ്.ക്യാംപെയിനിന്റെ ഭാ​ഗമായി വാർഡ് തലത്തിൽ ആശാ പ്രവർത്തകരുടെ നേതൃത്വത്തിൽ ​ഗ‍‍ർഭിണികളുടെ രജിസ്ട്രേഷൻ നടത്തും.സ്വന്തമായി രജിസ്റ്റർ ചെയ്യാൻ കഴിയുന്നവരാണെങ്കിൽ അതിനുള്ള സംവിധാനവും ഒരുക്കും.ഓരോ സബ് സെന്ററും കേന്ദ്രീകരിച്ച് ആ പ്രദേശത്തുള്ള എല്ലാ ​ഗർഭിണികളും രജിസ്റ്റർ ചെയ്ത് വാക്സീൻ സ്വീകരിച്ചുവെന്നും ആരോ​ഗ്യവകുപ്പ് ഉറപ്പാക്കും.

നിലവിൽ രാജ്യത്ത് നൽകുന്ന ഏത് വാക്സീൻ വേണമെങ്കിലും ​ഗർഭിണികൾക്ക് സ്വീകരിക്കാവുന്നതാണ്.​ഗർഭാവസ്ഥയുടെ ഏത് കാലയളവിലും വാക്സീൻ സ്വീകരിക്കാനാകും.​ഗർഭാവസ്ഥയിൽ തന്നെ രണ്ട് ഡോസ് വാക്സീനും സ്വീകരിക്കാനായാൽ അത് കൂടുതൽ സുരക്ഷ നൽകും.വാക്സീൻ സ്വീകരിച്ചശേഷം നേരിയ പനി,കുത്തിവച്ച ഭാ​ഗത്ത് വേദന,മൂന്ന് ദിവസംവരെ നീണ്ടുനിൽക്കുന്ന ക്ഷീണം എന്നിവ ഉണ്ടായേക്കാം.വാക്സീനെടുത്താലും മാസ്ക് , ശാരീരികാകലം , സാനിട്ടെസർ തുടങ്ങിയ അടിസ്ഥാന പ്രതിരോധ തത്വങ്ങൾ പാലിക്കണം.

​ഗർഭിണികൾക്കായി പ്രത്യേക വാക്സിനേഷൻ ക്യാംപുകൾ പ്രത്യേക ദിവസങ്ങളിൽ ജില്ലാതലത്തിൽ തീരുമാനിച്ച് നടത്തും.വാക്സിനേഷന് എത്തുന്ന ​ഗർഭിണികൾക്ക് സമ്പ‍‍‌‍ർക്കം ഉണ്ടാകാതിരിക്കാനാണ് ഈ നടപടി.കൊവിഡ് ബാധിച്ചാൽ ​ഗർഭിണികളുടെ ആരോ​ഗ്യത്തെ അത് സാരമായി ബാധിക്കും.35 വയസിന് മുകളിൽ പ്രായമുള്ളവ‍ർ,അമിതവണ്ണമുള്ളവർ,പ്രമേഹം,രക്തസമ്മർദം അടക്കം ജീവിതശൈലി രോ​ഗമുള്ളവർ എന്നിവരിലെ കൊവിഡ് ബാധ രോ​ഗം ​ഗുരുതരമാക്കിയേക്കും.​ഗർഭസ്ഥ ശിശുവിന്റെ ആരോ​ഗ്യത്തേയും ഇത് സാരമായി ബാധിക്കും.അതിനാൽ ​ഗർഭിണികൾ വാക്സീൻ നിർബന്ധമായി സ്വീകരിക്കണമെന്നാണ് നിർദേശം.

Follow Us:
Download App:
  • android
  • ios