Asianet News MalayalamAsianet News Malayalam

വി ടി സതീശനെതിരെ പ്രകടനം നടത്തിയ ഐഎൻടിയുസി നേതാവിനൊരുക്കിയ സ്വീകരണത്തിന്‍റെ ഉദ്ഘാടകനാവാന്‍ ചെന്നിത്തല

ഐഎൻടിയുസി കോൺഗ്രസ് പോഷക സംഘടനയല്ല എന്ന സതീശന്റെ പ്രസ്താവനയ്‍ക്കെതിരെയാണ് പി പി തോമസിന്റെ നേതൃത്വത്തിൽ കഴിഞ്ഞ ഏപ്രിലിൽ  പ്രകടനം നടത്തിയത്.

welcome program  to INTUC leader who protested against VD Satheesan
Author
First Published Jan 13, 2023, 11:30 AM IST

കോട്ടയം: പ്രതിപക്ഷ നേതാവ് വി ഡി സതീശനെതിരെ പ്രകടനം നടത്തിയ ഐ എൻ ടി യു സി നേതാവിന് സ്വീകരണം നൽകുന്ന ചടങ്ങില്‍ ഉദ്ഘാടകനായി എത്തുന്നത് രമേശ് ചെന്നിത്തല. നാളെ ചങ്ങനാശേരിയിലെ ഐ എൻ ടി യു സി നേതാവ് പി പി തോമസിന് നൽകുന്ന സ്വീകരണ സമ്മേളനത്തിന്‍റെ ഉദ്ഘാടകനായി നിയോഗിച്ചിരിക്കുന്നത്  രമേശ് ചെന്നിത്തലയെയാണ്.

ഐഎൻടിയുസി കോൺഗ്രസ് പോഷക സംഘടനയല്ല എന്ന സതീശന്റെ പ്രസ്താവനയ്‍ക്കെതിരെയാണ് പി പി തോമസിന്റെ നേതൃത്വത്തിൽ കഴിഞ്ഞ ഏപ്രിലിൽ പ്രതിഷേധ  പ്രകടനം നടത്തിയത്. പ്രകടനം നടത്തിയവർക്കെതിരെ സതീശൻ നടപടി ആവശ്യപ്പെട്ടിരുന്നെങ്കിലും നടപടി ഉണ്ടായിരുന്നില്ല. പ്രകടനത്തിന് നേതൃത്വം നൽകിയ പി പി തോമസിനെ സംസ്ഥാന സെക്രട്ടറി ആയി ഉയർത്തിയതിന് പിന്നാലെയാണ് സ്വീകരണം നൽകാൻ ചെന്നിത്തല എത്തുന്നത്. കെ സി ജോസഫും കൊടിക്കുന്നിൽ സുരേഷും ഉൾപ്പെടെയുള്ള നേതാക്കളും സ്വീകരണ സമ്മേളനത്തിൽ പങ്കെടുക്കുമെന്ന് സംഘാടകർ അറിയിച്ചിട്ടുണ്ട്.

Follow Us:
Download App:
  • android
  • ios