വെളിച്ചെണ്ണയോ, എള്ളെണ്ണയോ, കടുകെണ്ണയോ മികച്ചത്?
ഉൽപ്പന്നങ്ങൾ തെരഞ്ഞെടുക്കുന്നതിൽ യഥേഷ്ടം അവസരങ്ങളുള്ള ഇൗ കാലത്ത് ഏത് തരം എണ്ണയാണ് ഉപയോഗിക്കേണ്ടത് എന്നതിൽ സംശയം ബാക്കിയാണ്. പരമ്പരാഗതമായി ഇന്ത്യക്കാർ ഉപയോഗിച്ചുവരുന്ന മൂന്ന് എണ്ണയാണ് വെളിച്ചെണ്ണ, കടുകെണ്ണ, എള്ളെണ്ണ. ഇവ ഒാരോരീതിയിൽ ഫലപ്രദവുമാണ്. എന്നാൽ ഇവ ഏതെല്ലാം രീതിയിൽ വ്യത്യാസപ്പെട്ടിരിക്കുന്നു എന്നതിനെക്കുറിച്ച് പലരും അജ്ഞരാണ്. അതിനാൽ ഇതിൽ ഏത് തെരഞ്ഞെടുക്കണമെന്ന് ഇവർ സംശയം ബാക്കിയാവാറാണ്. മൂന്ന് തരം എണ്ണകളുടെയും ഗുണഗണങ്ങൾ പരിശോധിക്കാം:
എള്ളെണ്ണ
എള്ളിൽ നിന്ന് വേർതിരിച്ചെടുക്കുന്ന ഇൗ എണ്ണ എക്കാലത്തും പ്രിയപ്പെട്ടതും ചർമ കാന്തിക്ക് ഫലപ്രദവുമാണ്. വിറ്റാമിൻ എ, ഇ, ഡി എന്നിവയാൽ സമ്പന്നമായ എള്ളെണ്ണയിൽ ശരീരജ്വലനത്തിനെതിരെ പ്രവർത്തിക്കാൻ കഴിയുന്ന ഘടകങ്ങൾ ധാരാളമാണ്. കോശങ്ങളിലെ പരിക്കുകൾ തീർക്കാനും തൊലിപ്പുറത്തുണ്ടാകുന്ന കരപ്പൻ, അടയാളങ്ങൾ എന്നിവയെ തടയാനും സഹായിക്കുന്നു. കട്ടിയായ ദ്രവരൂപമായതിനാൽ ഇവ ശരീരം തിരുമ്മന്നതിനു മികച്ചതാണ്. ചർമത്തിലെ സുഷിരങ്ങളിൽ കടന്നുകയറുകയും അതുവഴി രക്തചംക്രമണം കൂടുതൽ സുഗമമാക്കുകയും ചെയ്യും.
ആന്റി ഒാക്സിഡന്റ് ഘടകങ്ങളുടെ സാന്നിധ്യത്താൽ ഇവ പ്രായമാകുന്നതിനെ പ്രതിരോധിക്കുകയും ചെയ്യുന്നു. വളരെപ്പെട്ടെന്ന് ചർമം എള്ളെണ്ണയെ വലിച്ചെടുക്കുന്നു. ശരീരത്തിൽ ചുളിവും വരയും വരുന്നതിനെ തടയുകയും പ്രായമാകുന്നതിന്റെ സൂചനകളെ മന്ദഗതിയിലാക്കുകയും ചെയ്യുന്നു. ചർമത്തിലെ ബാക്ടീരിയ ബാധയെ തടയാനും തിളക്കം നൽകാനും സഹായിക്കുന്നു. ചർമത്തിൽ ജലാംശം സംരക്ഷിച്ച് മൃദുലവും മയവുമുള്ളതാക്കി നിലനിർത്തുന്നു. ചർമത്തിന് ഉൾബലം നൽകുകയും മൃദുവായി സംരക്ഷിക്കുകയും ചെയ്യുന്നു.
ലിനോലെയ്ക്ക്, പാമിറ്റിക് എന്നീ അവശ്യകൊഴുപ്പ് ആസിഡുകളുടെ മികച്ച സാന്നിധ്യവും എള്ളെണ്ണയിൽ ഉണ്ട്. ലിനോലെയ്ക്ക് ആസിഡിന്റെ സാന്നിധ്യമാണ് ബാക്ടീരിയയെ ചെറുക്കാനും ശരീരജ്വലനത്തെ ചെറുക്കാനുമുള്ള ശേഷി നൽകുന്നത്. വിറ്റാമിൻ ഇ, ബി കോംപ്ലക്സ് എന്നിവ ഉയർന്ന അളവിൽ എള്ളെണ്ണയിൽ കാണുന്നു. ഇതിൽ കാണുന്ന നിയാസിൻ പോലുള്ള ബി കോംപ്ലക്സിന്റെ വകഭേദം രക്തത്തിലെ എൽ.ഡി.എൽ കൊളസ്ട്രോൾ കുറക്കാൻ സഹായിക്കുന്നു.
വെളിച്ചെണ്ണ
ദക്ഷിണേന്ത്യയുടെ പ്രിയപ്പെട്ട എണ്ണയാണ് വെളിച്ചെണ്ണ. മികച്ച ദഹനപ്രക്രിയക്ക് സഹായിക്കുകയും അതുവഴി വണ്ണം കുറക്കാനും ഇടയാക്കുന്നു. ഹൃദയത്തിനുള്ള ടോണിക് ആണ് വെളിച്ചെണ്ണ എന്നാണ് സമീപകാല പഠനങ്ങൾ പറയുന്നത്. ശരീര പേശികളുടെ പോഷണത്തിന് വെളിച്ചെണ്ണ പ്രധാനമാണ്. കണ്ണിന് താഴെയുണ്ടാകുന്ന തടിപ്പ്, പാടുകൾ എന്നിവ കുറക്കാൻ വെളിച്ചെണ്ണ സഹായകരമാണ്.
ശരീരത്തിലെ പ്രധാനപ്പെട്ട അവയവങ്ങളിൽ വെളിച്ചെണ്ണ സ്ഥിരമായി തേക്കുന്നത് അവയുടെ കാഴ്ചയിൽ മാറ്റമുണ്ടാക്കും. ചുണ്ടിലെ വിള്ളലിന് മികച്ച ലേപനമായി വെളിച്ചെണ്ണ ഉപയോഗിക്കാറുണ്ട്. ഇവ ചുണ്ടിനെ കൂടുതൽ ജലാംശവും മൃദുലവുമാക്കുന്നു. ശരീരത്തിൽ പൊള്ളൽ ഏൽക്കുമ്പോൾ മികച്ച ശമനിയായും വെളിച്ചെണ്ണ പ്രവർത്തിക്കുന്നു. ശസ്ത്രക്രിയക്ക് ശേഷമുള്ള പാടുകൾ കുറയ്ക്കാൻ വെളിച്ചെണ്ണ സഹായകം. ബാഹ്യചർമത്തിലെ പരിക്കുകൾ തീർക്കാനും വെളിച്ചെണ്ണ സിദ്ധൗഷധമാണ്.
കടുകെണ്ണ
പലപ്പോഴും വിലകുറച്ചുകാണാറുള്ള അടുക്കളയിലെ മണം കൂടിയ ഒായിൽ എന്ന് അറിയപ്പെടുന്ന കടുകെണ്ണ സൗന്ദര്യത്തിന്റെയും ചർമസംരക്ഷണത്തിന്റെയും പ്രഭവകേന്ദ്രമാണ്. കടുകെണ്ണ ചർമത്തെ കൂടുതൽ ദീപ്തമാക്കാനും സഹായിക്കുന്നു. കറുത്ത പാടുകൾ ഇല്ലാതാക്കാനും ശരീരത്തിലെ ചിലഭാഗങ്ങളിൽ കണ്ടുവരുന്ന നിറക്കൂടുതലിനെ കുറക്കാനും കടുകെണ്ണ സ്ഥിരമായി തേയ്ക്കുന്നതിലൂടെ സാധിക്കും. ശരീരത്തിൽ ഇൗർപ്പം നിലനിർത്താനും ഇത് സഹായിക്കുന്നു.
കൈയിലും മുഖത്തും കടുകെണ്ണ പുരട്ടുന്നത് ആ ഭാഗങ്ങളിൽ നിറക്കൂടുതലിന് സഹായിക്കും. വിറ്റാമിൻ ഇ യാൽ സമ്പന്നമായ കടുകെണ്ണ മികച്ച സൂര്യതാപ പ്രതിരോധകൻ കൂടിയാണ്. പാരിസ്ഥിതിക മലിനീകരണം വഴി ചർമത്തിനുണ്ടാകുന്ന നാശത്തെ തടയാനും എണ്ണെള്ളക്ക് കഴിയും. രൂക്ഷമായ മണം കാരണം പലരും കടുകെണ്ണ ഉപയോഗിക്കാൻ മടിക്കുകയാണ് പതിവ്. എന്നാൽ ചർമ സംരക്ഷണത്തിന് അനിവാര്യമായ എണ്ണയാണിത്.