വൃക്കയിൽ കല്ലുണ്ടെങ്കിൽ ഭക്ഷണത്തിൽ കരുതൽ വേണം
വൃക്കയിലെ കല്ല് പലരെയും അലട്ടുന്ന വേദനാജനകമായ രോഗമാണ്. വൃക്കകള്ക്ക് തകരാര് സംഭവിക്കുന്നത്, പലപ്പോഴും തുടക്കത്തിലേ അറിയാതെ പോകുന്നതാണ് അസുഖം ഗുരുതരമാക്കുന്നതും, വൃക്കകള് പ്രവര്ത്തനരഹിതമാകുന്നതിലേക്കും നയിക്കുന്നത്. ഭക്ഷണത്തിൽ ക്രമീകരണം കൊണ്ടുവന്നാൽ ഇൗ വേദനയെ നിങ്ങൾക്ക് മറികടക്കാനാകും. അതിനുള്ള പ്രതിവിധികൾ ഇനി വായിക്കാം:
1. വെള്ളം കുടിയിൽ പിശുക്ക് വേണ്ട
ദിവസവും എട്ട് മുതൽ പത്ത് വരെ ഗ്ലാസ് വെള്ളം വിവിധ രൂപത്തിൽ ശരീരത്തിലെത്തുന്നത് മൂത്രത്തിന്റെ സാന്ദ്രത കുറക്കാനും അതുവഴി ധാതുക്കളിൽ നിന്ന് കല്ല് രൂപപ്പെടുന്നത് ഒഴിവാക്കാനുമാകും.
2. ഉപ്പ് കുറക്കാം
ഭക്ഷണത്തിൽ ഉപ്പിന്റെ അളവ് കുറക്കുന്നത് മൂത്രത്തിൽ സോഡിയത്തിന്റെ അളവ് കുറക്കാൻ സഹായിക്കും. ഉയർന്ന അളവിൽ ഉപ്പുള്ള സംസ്ക്കരിച്ച മാംസം, ടിന്നിലടച്ച സൂപ്പുകൾ, നൂഡിൽസ്, ഉപ്പുരുചിയുള്ള ലഘുഭക്ഷണം എന്നിവ ഒഴിവാക്കുന്നതാണ് ഉത്തമം.
3. ഭക്ഷണത്തിലെ കാൽസ്യം
ഉയർന്ന കാൽസ്യം ഉള്ള രണ്ട് ഭക്ഷണം ദിവസവും കഴിക്കുന്നത് കാൽസ്യം വഴിയുണ്ടാകാവുന്ന വൃക്കയിലെ കല്ലിനുള്ള സാധ്യത കുറക്കുമെന്നാണ് പഠനങ്ങൾ പറയുന്നത്. കുറഞ്ഞ കൊഴുപ്പുള്ള ഒരു കപ്പ് പാലിൽ 300മില്ലി ഗ്രാം വരെ കാൽസ്യം അടങ്ങിയിരിക്കും.
4. ഇൗ ഭക്ഷണങ്ങൾ ഒഴിവാക്കാം
ഒാക്സാലിക് ആസിഡിന്റെ സാന്നിധ്യമുള്ള ചീര, ഗോതമ്പ് തവിട്, പരിപ്പുകൾ, ചായ എന്നിവ ഒഴിവാക്കുന്നത് വൃക്കയിലെ കല്ല് കുറക്കാൻ സഹായകമാണ്. വിറ്റാമിൻ സിയെ ശരീരം ഒാക്സലേറ്റ് ചെയ്യുന്നത് വൃക്കയിലെ കല്ല് രൂപപ്പെടാൻ കാരണമാകാറുണ്ട്. വിറ്റാമിൻ, ധാതുക്കൾ എന്നിവ ഭക്ഷണത്തിൽ കൂടുതലായി ഉൾപ്പെടുത്തുന്നതിന് മുമ്പ് ഡോക്ടറുമായോ ഭക്ഷണ വിദഗ്ദരുമായോ ആലോചിക്കുന്നത് നന്നായിരിക്കും.
5.പഞ്ചസാരയും വേണ്ട
പഞ്ചസാരയുടെ ഉപയോഗം വൃക്കയിൽ കല്ല് രൂപപ്പെടാൻ കാരണമാകും. വൃക്കയിൽ കല്ലുള്ളവർ പഞ്ചസാരയും മധുരമുള്ള ഭക്ഷണപദാർഥങ്ങളും ഒഴിവാക്കുക.
6. ഇറച്ചിയും മുട്ടയും വേണ്ട
ഇറച്ചി, മുട്ട പോലുള്ള ഭക്ഷണങ്ങൾ മൂത്രത്തിൽ യൂറിക് ആസിഡിെൻറ അളവ് അനിയന്ത്രിതമാക്കും. മൃഗങ്ങളിൽ നിന്നുള്ള പ്രോട്ടീൻ ഉപയോഗിച്ചുള്ള ഭക്ഷണപദാർഥങ്ങളും കാൽസ്യം വഴിയുള്ള വൃക്കയിലെ കല്ലിനുള്ള സാധ്യത വർധിപ്പിക്കും.
7. അരി, ഗോതമ്പ് ഭക്ഷണങ്ങൾ
ഗോതമ്പ്, ബാർലി, അരി തുടങ്ങിയ ധാന്യങ്ങൾ ഉപയോഗിച്ചുള്ള ഭക്ഷണം മൂത്രത്തിൽ കാൽസ്യത്തിെൻറ അളവ് കുറക്കാൻ സഹായിക്കും.