തയ്യാറാക്കാൻ വേണ്ട ചേരുവകൾ...

കപ്പ                                                                         1 കിലോ 
ഉണക്കച്ചെമ്മീൻ                                                  1 പിടി 
ചുവന്നുള്ളി                                                         10 എണ്ണം
തേങ്ങാപ്പീര                                                        അര കപ്പ് 
ഉപ്പ്                                                                     ആവശ്യത്തിന്
കടുക്                                                               ആവശ്യത്തിന്
വെളിച്ചെണ്ണ                                                    ആവശ്യത്തിന്
കുറിവേപ്പില                                                     രണ്ട് തണ്ട്
പച്ചമുളക്                                                              2 എണ്ണം

തയ്യാറാക്കുന്ന വിധം... 

ആദ്യം കപ്പ അല്പം ഉപ്പ് ചേർത്ത് വേവിച്ചെടുക്കണം. 

ശേഷം ഉണക്കച്ചെമ്മീൻ ചട്ടിയിൽ നന്നായി വറുത്തെടുക്കണം. എണ്ണ ഒഴിക്കണ്ട.

തേങ്ങാ പീര, പച്ചമുളകും ഉണക്കചെമ്മീനും മിക്സ് ചെയ്ത് മിക്സിയിൽ ഒന്ന് അടിച്ചെടുക്കുക. . 

ഇനി ചട്ടിയിൽ വെളിച്ചെണ്ണ ഒഴിച്ച് ചൂടായി വരുമ്പോൾ കടുക് പൊട്ടിക്കണം. ഇനി ചുവന്നുള്ളിയും വെളുത്തുള്ളിയും വഴറ്റാം. ഇനി കറിവേപ്പില ചേർത്ത് കൊടുക്കാം.നന്നായി വഴറ്റണം . 

ഇനി വേവിച്ച് വച്ചിരിക്കുന്ന കപ്പയും ചെറുതായി ഒന്ന് ഉടച്ച് ചേർത്ത് കൊടുക്കാം.

അവസാനം തേങ്ങാപ്പീര കൂട്ടും ചേർത്ത് നന്നായി ഇളക്കി യോജിപ്പിച്ച് എടുക്കണം.