കവിളുകൾക്ക് സ്വാഭാവികമായ ചുവപ്പ് നൽകണോ അതോ ഗ്ലാസി ലുക്ക് നൽകണോ? നിങ്ങളുടെ സ്കിൻ ടൈപ്പിന് അനുയോജ്യമായ ബ്ലഷ് ഏതാണെന്നും അവ എങ്ങനെ കൃത്യമായി ഉപയോഗിക്കാമെന്നും മനസ്സിലാക്കാം. പൗഡർ മുതൽ ടിന്റുകൾ വരെ നീളുന്ന ബ്ലഷുകളുടെ കൗതുകകരമായ ലോകത്തേക്ക്...
മുഖത്തിന് പെട്ടെന്ന് ഒരു ഉന്മേഷവും തിളക്കവും നൽകാൻ ലിപ്സ്റ്റിക്കിനോളം തന്നെ പ്രാധാന്യമുള്ള ഒന്നാണ് ബ്ലഷ്. എന്നാൽ ഏത് തരം ബ്ലഷ് തിരഞ്ഞെടുക്കണം എന്ന കാര്യത്തിൽ പലപ്പോഴും നമ്മൾ കുഴങ്ങാറുണ്ട്. കവിളുകൾക്ക് ഒരു സ്വാഭാവിക തിളക്കവും ആരോഗ്യകരമായ ലുക്കും നൽകാൻ ബ്ലഷിന് കഴിയും. എന്നാൽ വിപണിയിൽ ഇന്ന് പൗഡർ, ക്രീം, ടിന്റ് എന്നിങ്ങനെ പലതരത്തിലുള്ള ബ്ലഷുകൾ ലഭ്യമാണ്. ഇവയിൽ നിങ്ങളുടെ ചർമ്മത്തിന് ഏറ്റവും അനുയോജ്യമായത് ഏതാണെന്ന് നിങ്ങൾക്കറിയാമോ?
1. പൗഡർ ബ്ലഷ്
ഏറ്റവും സാധാരണയായി ഉപയോഗിക്കുന്ന ഒന്നാണിത്. ബ്രഷ് ഉപയോഗിച്ച് ഇത് എളുപ്പത്തിൽ പുരട്ടാം. എണ്ണമയമുള്ള ചർമ്മക്കാർക്ക് ഇത് മികച്ചതാണ്. ഇത് ചർമ്മത്തിലെ അമിത എണ്ണമയത്തെ നിയന്ത്രിക്കാൻ സഹായിക്കും. ഇത് കൂടുതൽ സമയം നീണ്ടുനിൽക്കും.
2. ക്രീം ബ്ലഷ്
പേര് സൂചിപ്പിക്കുന്നത് പോലെ തന്നെ ക്രീം രൂപത്തിലുള്ളതാണിത്. വിരലുകൾ ഉപയോഗിച്ച് പോലും ഇത് കവിളുകളിൽ തേച്ചുപിടിപ്പിക്കാം. വരണ്ട ചർമ്മമുള്ളവർക്ക് ഇത് വരം പോലെയാണ്. ചർമ്മത്തിന് ഒരു നനവും തിളക്കവും (Dewy Look) നൽകാൻ ഇതിന് കഴിയും. ഇത് ചർമ്മത്തിലേക്ക് വേഗത്തിൽ അലിഞ്ഞുചേരുകയും, സ്വാഭാവികമായ ലുക്ക് നൽകുന്നു.
Related Articles
3. ലിക്വിഡ് അല്ലെങ്കിൽ ടിന്റ് ബ്ലഷ്
ഇന്ന് ജെൻസിക്കൾക്കിടയിൽ ഏറെ തരംഗമായ ഒന്നാണിത്. വളരെ കുറഞ്ഞ അളവിൽ മാത്രം ഉപയോഗിച്ചാൽ മതിയാകും. എല്ലാത്തരം ചർമ്മക്കാർക്കും ഇത് ഉപയോഗിക്കാം. പ്രത്യേകിച്ചും മേക്കപ്പ് അധികം ഉപയോഗിക്കാൻ താല്പര്യമില്ലാത്തവർക്ക്. ഇത് മുഖത്തും ചുണ്ടിലും ഒരേപോലെ ഉപയോഗിക്കാം. വെള്ളം തട്ടിയാലും പെട്ടെന്ന് മാഞ്ഞുപോകില്ല.
4. ജെൽ ബ്ലഷ്
ചൂടുള്ള കാലാവസ്ഥയിൽ ഉപയോഗിക്കാൻ ഏറ്റവും അനുയോജ്യമായത് ജെൽ ബ്ലഷുകളാണ്. സെൻസിറ്റീവ് ചർമ്മമുള്ളവർക്കും സാധാരണ ചർമ്മമുള്ളവർക്കും ഇത് നല്ലതാണ്. ഇത് ചർമ്മത്തിന് നല്ല കുളിർമ നൽകുന്നു,എപ്പോഴും
നിങ്ങളുടെ ചർമ്മത്തിന്റെ നിറത്തിന് അനുയോജ്യമായ ഷേഡുകൾ തിരഞ്ഞെടുക്കുക. ചുവപ്പ് കലർന്ന നിറമുള്ളവർക്ക് പീച്ച് ഷേഡുകളും, ഇരുണ്ട നിറമുള്ളവർക്ക് ബെറി ഷേഡുകളും നന്നായി ചേരും. കുറഞ്ഞ അളവിൽ തുടങ്ങി ആവശ്യാനുസരണം വർദ്ധിപ്പിക്കുക. ബ്ലഷ് ഉപയോഗിച്ച ശേഷം അത് ചർമ്മത്തിൽ കൃത്യമായി ലയിച്ചുചേർന്നുവെന്ന് (Blend) ഉറപ്പുവരുത്തുക, ഇല്ലെങ്കിൽ മുഖത്ത് പാടുകൾ പോലെ തോന്നും.
