Asianet News MalayalamAsianet News Malayalam

ഒറ്റയ്‌ക്കൊരു വീട്, ആരിഫ മെഹ്ഫില്‍ എഴുതിയ കവിത

ചില്ല, എഴുത്തിന്റെ ചിറകനക്കങ്ങള്‍. ഇന്ന് ആരിഫ മെഹ്ഫില്‍ എഴുതിയ കവിത
 

chilla malayalam poem by arifa mehfil
Author
Thiruvananthapuram, First Published Oct 27, 2021, 8:01 PM IST
  • Facebook
  • Twitter
  • Whatsapp

ചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും


chilla malayalam poem by arifa mehfil

 

തൊട്ടുണര്‍ത്താന്‍ ആരുമില്ലാതാകുമ്പോഴാണ്
ഒരു വീട്  ഒറ്റപ്പെടുന്നത്
മുടി ചീകാതെ മുഖം മിനുക്കാതെ
പോയ രാവിന്റെ വിരസതയില്‍
വീട് മൗനം  കുടിച്ചിരിക്കും
ഒരു സത്രത്തിനോടെന്ന പോലെ
കണ്ടിട്ടും കാണാതിരിക്കുമ്പോഴാണ്
കൂട്ടുവെട്ടപ്പെട്ടവളാകുന്നത്

ഒറ്റയായ വീട് 
കളകളോടും ശലഭങ്ങളോടും
ഉറുമ്പിന്‍ കൂട്ടങ്ങളോടും
കിന്നരിച്ചു കൊണ്ടേയിരിക്കും
മുറ്റം ഒരു തലോടല്‍ കൊതിച്ച്
കാത്തിരിക്കും
ഒറ്റയായ വീട്
പകല്‍ രാത്രിയേയും
രാത്രിയില്‍ പകലിനേയും
പ്രണയിച്ചു കൊണ്ടിരിക്കും

ഒറ്റയായ വീട്
ജാലകപ്പഴുതിലൂടെ
ആകാശത്തോട് കൂട്ട് കുടും
തുറക്കാത്ത വാതിലിലൂടെ 
വിരുന്നിനെത്തുന്ന കാറ്റിനെക്കാത്ത്
ഉറക്കമിളിച്ചിരിക്കും
ഓര്‍മ്മകളുടെ മധുരം തൂങ്ങിയാടുന്ന
മാറാലകളെ നോക്കി
പുഞ്ചിരിച്ചുകൊണ്ടിരിക്കുംപതിയെപ്പതിയെ
ഒറ്റയായ വീട്
ഒറ്റയ്ക്ക് കഥ പറയും

 

മികച്ച കഥകളും കവിതകളും വായിക്കാന്‍ ഇവിടെ ക്ലിക്ക് ചെയ്യാം

 

Read Also 'ഡിസംബർ ഒന്നിന് മുമ്പായി എല്ലാവർക്കും ആദ്യ ഡോസ് കൊവിഡ് വാക്സീൻ'; സംസ്ഥാനങ്ങൾക്ക് ആരോഗ്യമന്ത്രിയുടെ നിർദ്ദേശം

Follow Us:
Download App:
  • android
  • ios