Asianet News MalayalamAsianet News Malayalam

സര്‍പ്പദംശനം, രേഖ ആര്‍ താങ്കള്‍ എഴുതിയ കവിത

ചില്ല, എഴുത്തിന്റെ ചിറകനക്കങ്ങള്‍. ഇന്ന് രേഖ ആര്‍ താങ്കള്‍ എഴുതിയ കവിത

chilla malayalam poem by rekha r thangal
Author
Thiruvananthapuram, First Published Sep 29, 2021, 8:04 PM IST
  • Facebook
  • Twitter
  • Whatsapp

ചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും


chilla malayalam poem by rekha r thangal


അരയാല്‍ച്ചില്ലകളില്‍ നിന്ന്
ഊര്‍ന്നിറങ്ങുന്ന വേരുകള്‍ പോലെ
ഇന്നലെകളില്‍  നിന്നവര്‍
താഴേക്കു പടര്‍ന്നിറങ്ങും

നിസ്സംഗതയുടെ കല്‍ക്കെട്ട്  
പൊളിച്ച് ആത്മാവിലേക്ക് 
വേരുകളാഴ്ത്തും

വളഞ്ഞുപുളഞ്ഞ്
ജടകെട്ടിയതുപോലെ
തായ്ത്തടിയെക്കാള്‍ കനം വയ്ക്കും

ഇരുട്ടു കുടഞ്ഞു വിരിച്ച്
വിഷപ്പല്ലുകള്‍ മറയ്ക്കും

ചിലപ്പോഴൊക്കെ
വരിഞ്ഞു മുറുക്കും
എല്ലുകള്‍ ഞെരിഞ്ഞമരും

അറിയാതെങ്ങാനും ചവിട്ടിയാല്‍
ചീറിയടുത്ത്  ഫണം വിടര്‍ത്തും

ഒരൊറ്റ ദംശനത്തില്‍
ഞരമ്പുകളില്‍  നീല പടരും
രോമകൂപങ്ങളില്‍  നിന്നുപോലും
രക്തം പൊടിയും

വീണ്ടും  തണുപ്പിലേക്ക്
ഇഴഞ്ഞുകയറി  ചുരുണ്ടുകൂടി 
ഒന്നുമറിയാത്തതുപോലെ
കാത്തുകിടക്കും

Follow Us:
Download App:
  • android
  • ios