Asianet News MalayalamAsianet News Malayalam

പഴേ സ്‌കൂട്ടര്‍, ശ്രീകൃഷ്ണദാസ് മാത്തൂര്‍ എഴുതിയ കവിത

ചില്ല, എഴുത്തിന്റെ ചിറകനക്കങ്ങള്‍. ഇന്ന് ശ്രീകൃഷ്ണദാസ് മാത്തൂര്‍ എഴുതിയ കവിത

chilla malayalam poem by sreekrishnadas mathur
Author
Thiruvananthapuram, First Published Oct 13, 2021, 8:21 PM IST
  • Facebook
  • Twitter
  • Whatsapp

ചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും


chilla malayalam poem by sreekrishnadas mathur

 

പഴേ സ്‌കൂട്ടര്‍ തിരിഞ്ഞു നിന്നാദ്യമായി-
ട്ടതിന്‍ കണ്ണാടി കണ്ണുയര്‍ത്തി പ്ലക്കാര്‍ഡ്.
തൊട്ടടുത്തുണ്ടെന്നുറപ്പിച്ചു കൊള്ളുക
ചെറ്റു ദൂരത്തു കാണായ വസ്തുക്കളെ.

വണ്ടലൂര്‍(*) സിംഹത്തെ പോലുറച്ച നോട്ടം,
വന്നാലിനിയും നോക്കാമൊരു കൈയ്യെന്ന്,
സെല്‍ഫെടുക്കാന്‍ ത്രാണിയോടുയര്‍ന്നിരിപ്പ്,
വന്ന നീള്‍വഴിത്തുമ്പിളക്കിത്തുടിപ്പും.

ടാറു വെന്ത റോഡില്‍, നിലംതൊടാപ്പാണ്ടി-
ലോറി വേഴ്ചയില്‍ പെടുന്നൊരാധി,
എത്ര ദൂരമെന്നെത്തി നോക്കുന്നിരമ്പം,
നാമുരിഞ്ഞിട്ടപൂര്‍ണ്ണമാം പാതയും.

ചായയൂതിക്കുടിക്കുന്ന ലാഘവത്തില്‍ 
ചാഞ്ഞ സന്ധ്യത്തലപ്പില്‍ ചുവന്നുപൂത്ത്
മുട്ടുപൊട്ടി, ത്തലപൊട്ടിത്തിരിനീട്ടും
രക്തവെട്ടിത്തിള - ഋതുനീറ്റമേറെ..

പിന്നിലെ മേള നമ്മളെയോവര്‍ട്ടേക്കു
ചെയ്തെന്ന തോന്നലോടുള്ളു പാളുന്നേരം,
തീച്ചുവപ്പന്‍ പഴേ സ്‌കൂട്ടറെഞ്ചിനാളി;
വരൂ, നേരം കെടുന്നില്ലെന്റെ തൊഴനേ,
ചാഞ്ഞു ചാറും മഴയും ഇരട്ടിദൂര-
ഭൂരിമോദവും ചുറ്റുവട്ടത്തു തന്നെ.

Follow Us:
Download App:
  • android
  • ios