Asianet News MalayalamAsianet News Malayalam

ആയിരം രൂപയ്‍ക്ക് വാങ്ങിയ പുസ്തകം, വിറ്റപ്പോൾ കിട്ടിയത് 57 ലക്ഷം

ആ പുസ്തകത്തിനെ കുറിച്ചോ എഴുത്തുകാരിയായ ജെകെ റൗളിം​ഗിനെ കുറിച്ചോ ആർക്കും കൂടുതലായി ഒന്നും അറിയാതിരുന്ന കാലത്താണ് താൻ ഈ പുസ്തകം വാങ്ങിയത് എന്നാണ് സ്കോട്ടിഷ് വനിത പറയുന്നത്.

Harry Potter and the Philosophers stone first edition sold for 57 lakhs rlp
Author
First Published Dec 12, 2023, 4:17 PM IST

ഹാരി പോട്ടറിന്റെ ആദ്യത്തെ പതിപ്പുകളിലൊന്ന് ലേലത്തിൽ വിറ്റുപോയത് 55,000 പൗണ്ടിന്. അതായത് ഇന്ത്യൻ രൂപയിൽ 57 ലക്ഷത്തിന് മുകളിൽ വരും ഇത്. ഹാരി പോട്ടർ ആന്റ് ദ ഫിലോസഫേഴ്‌സ് സ്‌റ്റോണിന്റെ ഈ ഹാർഡ്‌ബാക്ക് കോപ്പി 1997 -ൽ പ്രസിദ്ധീകരിച്ചതാണ്. ഒരു കടയുടെ ബാർ​ഗെയിനിം​ഗ് ബക്കറ്റിൽ നിന്നും കണ്ടെത്തി 1100 രൂപയിൽ താഴെ നൽകി വാങ്ങിയ പുസ്തകമാണ് ഇപ്പോൾ 57 ലക്ഷത്തിന് വിറ്റിരിക്കുന്നത്.  

എഡിൻബർഗിന് സമീപം താമസിക്കുന്ന ഒരു സ്കോട്ടിഷ് വനിതയാണ് 1990 -കളുടെ അവസാനത്തിൽ വെസ്റ്റർ റോസിൽ ഒരു ഫാമിലി കാരവൻ വെക്കേഷനിടെ ഈ പുസ്തകം കണ്ടെത്തിയത്. അന്ന് അവരത് വാങ്ങുകയായിരുന്നു. അവരത് വാങ്ങുമ്പോൾ അതിന്റെ വില 1048 രൂപയായിരുന്നു. പിന്നീടത് പ്രശസ്ത ലേലശാലയായ ഹാൻസൺസ് ഓക്ഷനേഴ്സിന് നൽകി. ഹാൻസൺസ് പറഞ്ഞത്, ഈ പുസ്തകം അതിന്റെ ആദ്യത്തെ പ്രിന്റുകളിൽ നിന്നും പുസ്തകശാലകളിലേക്ക് വിതരണം ചെയ്ത 200 കോപ്പികളിൽ ഒന്നാണ് എന്നാണ്. 

ആ പുസ്തകത്തിനെ കുറിച്ചോ എഴുത്തുകാരിയായ ജെകെ റൗളിം​ഗിനെ കുറിച്ചോ ആർക്കും കൂടുതലായി ഒന്നും അറിയാതിരുന്ന കാലത്താണ് താൻ ഈ പുസ്തകം വാങ്ങിയത് എന്നാണ് സ്കോട്ടിഷ് വനിത പറയുന്നത്. അവർ തന്റെ പേരോ മറ്റ് വിവരങ്ങളോ വെളിപ്പെടുത്തിയിട്ടില്ല. 

പുസ്തകത്തിൽ വിദ​ഗ്ദ്ധനായ ജിം സ്പെൻസർ പറഞ്ഞത് പുസ്തകം കണ്ടുപിടിച്ചത് ഒരു ​ഗംഭീരസംഭവമാണ് എന്നായിരുന്നു. ഇത് ആദ്യത്തെ കോപ്പികളിൽ ഒന്നാണ്. അത് നന്നായി സംരക്ഷിക്കപ്പെട്ട നിലയിലാണ് ഉള്ളത് എന്നും അദ്ദേഹം പറയുന്നു. 

ഹാരി പോട്ടർ ആന്റ് ദ ഫിലോസഫേഴ്സ് സ്റ്റോൺ ഹാരിപോട്ടർ പരമ്പരയിലെ ആദ്യത്തെ പുസ്തകമാണ്. 

വായിക്കാം: 125 വർഷം പഴക്കമുള്ള അലമാര ചുളുവിലയ്‍ക്ക് വാങ്ങി, തുറന്നപ്പോൾ അകത്തതാ നിധി..!

ഏഷ്യാനെറ്റ് ന്യൂസ് ലൈവ് കാണാം: 

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

Follow Us:
Download App:
  • android
  • ios