കോഴിക്കോട് ഇന്ന് 167 പേര്ക്ക് കൊവിഡ്: 137 പേര്ക്ക് രോഗം സമ്പര്ക്കത്തിലൂടെ
കോര്പ്പറേഷന് പരിധിയില് സമ്പര്ക്കം വഴി 56 പേര്ക്കാണ് രോഗം ബാധിച്ചത്. ഇതില് രണ്ട് പേരുടെ ഉറവിടം വ്യക്തമല്ല
കോഴിക്കോട്: കോഴിക്കോട് ജില്ലയില് ഇന്ന് 167 കൊവിഡ് 19 പോസിറ്റീവ് കേസുകള് കൂടി റിപ്പോര്ട്ട് ചെയ്തതായി ജില്ലാ മെഡിക്കല് ഓഫീസര് അറിയിച്ചു. വിദേശത്ത് നിന്ന് എത്തിയ മൂന്ന് പേര്ക്കും ഇതര സംസ്ഥാനങ്ങളില്നിന്ന് എത്തിയവരില് 12 പേര്ക്കുമാണ് പോസിറ്റീവ് ആയത്. 15 പേരുടെ ഉറവിടം വ്യക്തമല്ല.
സമ്പര്ക്കം വഴി 137 പേര്ക്ക് രോഗം ബാധിച്ചു. മൂന്ന് ആരോഗ്യപ്രവര്ത്തകര്ക്കും പോസിറ്റീവായി. കോര്പ്പറേഷന് പരിധിയില് സമ്പര്ക്കം വഴി 56 പേര്ക്കാണ് രോഗം ബാധിച്ചത്. ഇതില് രണ്ട് പേരുടെ ഉറവിടം വ്യക്തമല്ല. മാവൂരില് 26 പേര്ക്കും വേളത്ത് ഒന്പത് പേര്ക്കും സമ്പര്ക്കം വഴി സ്ഥിരീകരിച്ചിട്ടുണ്ട്. ചികിത്സയിലുളള കോഴിക്കോട് സ്വദേശികളുടെ എണ്ണം 1735 ആയി. 272 പേര് രോഗമുക്തി നേടി ആശുപത്രി വിട്ടുവെന്നും ജില്ലാ മെഡിക്കല് ഓഫീസര് അറിയിച്ചു.