കോഴിക്കോട് ഇന്ന് 244 പേര്ക്ക് കൊവിഡ്; സമ്പര്ക്കത്തിലൂടെ 218 പേര്ക്ക് രോഗം
കടലുണ്ടിയില് 68 പേര്ക്കും കോര്പ്പറേഷന് പരിധിയില് 41 പേര്ക്കും സമ്പര്ക്കം വഴി രോഗം ബാധിച്ചു.
കോഴിക്കോട്: കോഴിക്കോട് ജില്ലയില് ഇന്ന് 244 കൊവിഡ് പൊസിറ്റീവ് കേസുകള് കൂടി റിപ്പോര്ട്ട് ചെയ്തതായി ജില്ലാ മെഡിക്കല് ഓഫീസര് അറിയിച്ചു. വിദേശത്ത് നിന്ന് എത്തിയ മൂന്ന് പേര്ക്കും ഇതര സംസ്ഥാനങ്ങളില് നിന്ന് എത്തിയവരില് എട്ട് പേര്ക്കുമാണ് പോസിറ്റീവായത്. 15 പേരുടെ ഉറവിടം വ്യക്തമല്ല. സമ്പര്ക്കം വഴി 218 പേര്ക്കാണ് രോഗം ബാധിച്ചത്.
മൂന്ന് ആരോഗ്യപ്രവര്ത്തകര്ക്കും പോസിറ്റീവായി. കടലുണ്ടിയില് 68 പേര്ക്കും കോര്പ്പറേഷന് പരിധിയില് 41 പേര്ക്കും സമ്പര്ക്കം വഴി രോഗം ബാധിച്ചു. ചികിത്സയിലുളള കോഴിക്കോട് സ്വദേശികളുടെ എണ്ണം 1783 ആയി.