ആലുവയിൽ മദ്യപാനിയുടെ അതിക്രമം; കയ്യിൽ മണ്ണെണ്ണക്കുപ്പിയും ഇരുമ്പുവടിയും; കട അടിച്ചു തകർത്തു

എറണാകുളം: എറണാകുളം ആലുവയിൽ മദ്യപിച്ചെത്തിയ അക്രമി കട അടിച്ചു തകർത്തു.  കയ്യിൽ ഇരുമ്പ് വടിയും കുപ്പിയിൽ മണ്ണെണ്ണയുമായെത്തി ഭീകരാന്തരീക്ഷം സൃഷ്ടിച്ചായിരുന്നു പരാക്രമം. വൈകിട്ട് അഞ്ചരയോടെയാണ് സംഭവം. റെയിൽവെ സ്റ്റേഷന് മുന്നിലെ  റോബിൻ എന്നയാളുടെ കടയാണ് അക്രമി തകർത്തത്. കടയിലെ മിഠായി ഭരണികളും ഗ്യാസ് സ്റ്റൗവും  ഇരുന്പ് വടി കൊണ്ട് അടിച്ച് തകർത്തു.

തടയാനെത്തിയവരേയും ഇയാൾ ഇരുമ്പ് വടി വീശി ഭയപ്പെടുത്തി. യാതൊരു പ്രകോപനവുമില്ലാതെയായിരുന്നു  ആക്രമണമെന്ന് ദൃക്സാക്ഷികൾ  വ്യക്തമാക്കി. നേരത്തെ റെയിൽവെ സ്റ്റഷനിലെത്തിയ യാത്രക്കാർക്ക് നേരെ  ഇയാൾ പലവട്ടം മോശമായി പെരുമാറിയിട്ടുണ്ടെന്ന് നാട്ടുകാർ പറയുന്നു. സംഭവത്തിൽ  ആലുവ പൊലീസ് അന്വേഷണം തുടങ്ങി. 

ദോസ്തിന് സൈഡ് കൊടുത്തില്ല; വണ്ടി വട്ടമിട്ട് ഇരുമ്പ് വടിയെടുത്ത് യുവാവ്, ബസിന്‍റെ ചില്ല് തവിടുപൊടി, അറസ്റ്റ്

വീട് ആക്രമിച്ചു, യുവാക്കളെ മർദ്ദിച്ചു, വാഹനങ്ങൾ തകർത്തു, ഒരാളെ വെടിവച്ചു, ചേർത്തല ഗുണ്ടാവിളയാട്ടത്തിൽ അറസ്റ്റ്

• Alcoholic violence