കായംകുളത്ത് സാമൂഹ്യ വിരുദ്ധരുടെ അക്രമം; കാറിന്റെ ചില്ല് തല്ലിത്തകര്ത്തു
കായംകുളത്ത് ബൈക്കിലെത്തിയ രണ്ടംഗ സംഘം വീടിന് മുൻപിൽ കിടന്ന കാറിന്റെ ചില്ലുകൾ തല്ലി തകർത്തു. തിങ്കളാഴ്ച രാത്രി എട്ടുമണിയോടെ കരുവിൽ പീടിക ഫസാൻ മൻസിൽ നവാസ് യൂസുഫിന്റെ വീടിനു നേരെയാണ് ആക്രമണം നടത്തിയത്.
കായംകുളം: കായംകുളത്ത് ബൈക്കിലെത്തിയ രണ്ടംഗ സംഘം വീടിന് മുൻപിൽ കിടന്ന കാറിന്റെ ചില്ലുകൾ തല്ലി തകർത്തു. തിങ്കളാഴ്ച രാത്രി എട്ടുമണിയോടെ കരുവിൽ പീടിക ഫസാൻ മൻസിൽ നവാസ് യൂസുഫിന്റെ വീടിനു നേരെയാണ് ആക്രമണം നടത്തിയത്. ഈ സമയം ഇദ്ദേഹത്തിന്റെ ഭാര്യ ഷീജയും കുട്ടികളും മാത്രമേ വീട്ടിൽ ഉണ്ടായിരുന്നുള്ളു.
അടുക്കളയിലായിരുന്ന ഇവർ ശബ്ദം കേട്ട് വീടിനു മുൻപിലെത്തിയപ്പോഴേക്കും ആക്രമികൾ ബൈക്കിൽ രക്ഷപ്പെട്ടു. വിവരമറിയിച്ചതിനെ തുടർന്ന് പൊലീസ് എത്തി അന്വേഷണം നടത്തി. സ്ഥലത്തു നിന്നും ഇരുമ്പു വടിയും തടിക്കഷ്ണങ്ങളും പൊലീസ് കണ്ടെടുത്തിട്ടുണ്ട്. പോലീസ് കേസെടുത്ത് അന്വേഷണം ആരംഭിച്ചു.