നിയന്ത്രണം നഷ്ടപ്പെട്ട വാഹനം പാലത്തില്‍ നിന്നും വീണ് യുവാവ് മരിച്ചു
വെള്ളമൊഴുക്ക് ഇല്ലാതെ വരണ്ടുണങ്ങിയ ആറ്റിലെ കല്ലില്‍ തലയിടിച്ചുണ്ടായ ഗുരുതര പരുക്കാണ് മരണ കാരണം.
ഇടുക്കി: നിയന്ത്രണം നഷ്ടപ്പെട്ട ഇരുചക്ര വാഹനം പാലത്തില്‍ നിന്നും താഴേക്ക് പതിച്ച് യുവാവ് മരിച്ചു. കൂട്ടാര്‍ ആരിശേരി(കാനത്തില്‍) ധനേഷ്(33) ആണ് മരിച്ചത്. കൂട്ടാര്‍ പഴയ തിയേറ്റര്‍പടിക്ക് സമീപമുള്ള പാലത്തില്‍ നിന്നും ഇരുചക്ര വാഹനം ആറ്റിലേക്ക് പതിക്കുകയായിരുന്നു. വെള്ളമൊഴുക്ക് ഇല്ലാതെ വരണ്ടുണങ്ങിയ ആറ്റിലെ കല്ലില്‍ തലയിടിച്ചുണ്ടായ ഗുരുതര പരുക്കാണ് മരണ കാരണം. പരുക്കേറ്റ ധനേഷിനെ നെടുങ്കണ്ടത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. മാതാവ് ശാന്തമ്മ. മൃതദേഹം പോസ്റ്റുമോര്‍ട്ടത്തിനായി നെടുങ്കണ്ടം താലൂക്ക് ആശുപത്രിയിലേക്ക് മാറ്റി. നെടുങ്കണ്ടം പൊലീസ് കേസെടുത്തു.
Last Updated Apr 7, 2019, 12:14 PM IST
