Asianet News MalayalamAsianet News Malayalam

വീടുകൾക്ക് സമീപം ഇറച്ചിക്കോഴികളുടെ മാലിന്യം നിക്ഷേപിക്കുന്നതായി പരാതി

അസഹനീയമായ ദുർഗ്ഗന്ധം വമിച്ചതോടെയാണ് മാലിന്യ നിക്ഷേപം വീട്ടുകാരുടെ ശ്രദ്ധയിൽ പെട്ടത്. ഇറച്ചിക്കോഴികളുടെ മാലിന്യങ്ങളും ചത്ത കോഴികളെയുമായിരുന്നു വലിയ ചാക്കുകളിലാക്കി നിക്ഷേപിച്ചത്.

chicken waste disposed in public place near alappuzha national highway
Author
Alappuzha, First Published Aug 24, 2020, 10:45 PM IST
  • Facebook
  • Twitter
  • Whatsapp

ചാരുംമൂട്: ദേശീയ പാതയിൽ വീടുകൾക്ക് സമീപം മാലിന്യം നിക്ഷേപിക്കുന്നതായി പരാതി. കൊല്ലം - തേനി ദേശീയ പാതയിൽ താമരക്കുളം നെടിയാണിക്കൽ ക്ഷേത്രത്തിനു വടക്കുവശമുള്ള വീടുകൾക്കു മുന്നിലാണ് ഇറച്ചിക്കോഴികളുടെ മാലിന്യങ്ങളും ചത്ത കോഴികളെയും വലിയ ചാക്കുകളിലാക്കി നിക്ഷേപിച്ചത്. 

ഇന്ന് രാവിലെ അസഹനീയമായ ദുർഗ്ഗന്ധം വമിച്ചതോടെയാണ് മാലിന്യ നിക്ഷേപം വീട്ടുകാരുടെ ശ്രദ്ധയിൽ പെട്ടത്. വീട്ടുകാർ വിവരം അറിയിച്ചതിനെ തുടർന്ന് മാലിന്യങ്ങൾ നീക്കം ചെയ്യുന്നതിന് നടപടി സ്വീകരിച്ചതായി പഞ്ചായത്ത് അധികൃതർ പറഞ്ഞു.
ദേശീയ പാതയിൽ ചാരുംമൂട് - താമരക്കുളം ഭാഗങ്ങളിൽ ഇത്തരത്തിൽ മാലിന്യങ്ങൾ നിക്ഷേപിക്കുന്നത് പതിവായിരിക്കുകയാണ്. രണ്ടാഴ്ച മുമ്പ് ചാവടി ജംഗ്ഷന് വടക്ക് ഭാഗത്തും മാലിന്യങ്ങൾ നിക്ഷേപിച്ചിരുന്നു.

Follow Us:
Download App:
  • android
  • ios