ബൈക്ക് അപകടത്തില്‍ പരിക്കേറ്റ് ചികിത്സയിലായിരുന്ന വിദ്യാര്‍ഥിനി മരിച്ചു
ആലപ്പുഴ എസ്.ഡി.വി കോളജ് ബികോം വിദ്യാര്‍ഥിനിയായിരുന്നു ഗംഗ. കഴിഞ്ഞ ഏഴിനാണ് ഗംഗ സഞ്ചരിച്ചിരുന്ന ബൈക്ക് അപകടത്തില്‍പ്പെട്ടത്.
ആലപ്പുഴ: ബൈക്ക് അപകടത്തില്‍ പരിക്കേറ്റ് കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന വിദ്യാര്‍ഥിനി മരിച്ചു. ആലപ്പുഴ കരളകം വാര്‍ഡില്‍ വിത്തുപുരയ്ക്കല്‍ കണ്ണന്‍നായര്‍ - ഉഷാകുമാരി ദമ്പതികളുടെ മകള്‍ ഗംഗാ കണ്ണനാ (20)ണ് മരിച്ചത്. കഴിഞ്ഞ ഏഴിന് വൈക്കം തലയാഴത്തിന് സമീപം ഗംഗ സഞ്ചരിച്ച ബൈക്കില്‍ മിനിലോറിയിടിച്ചായിരുന്നു അപകടം. ആലപ്പുഴ എസ്.ഡി.വി കോളജ് ബി കോം വിദ്യാര്‍ഥിനിയായിരുന്നു ഗംഗ.
Last Updated Jun 15, 2019, 7:00 AM IST
