മൃതദേഹം സംസ്കരിക്കാന് വീട്ടില് സ്ഥലമില്ലാത്തതിനാല് എടത്വാ ഗ്രാമപഞ്ചായത്ത് അംഗം ബാബു മണ്ണാത്തുരുത്തില് എടത്വാ പള്ളിയെ സമീപിച്ചു. കുടുംബത്തിന്റെ ബുദ്ധിമുട്ടുകള് തിരിച്ചറിഞ്ഞ പള്ളി വികാരി ഫാ. മാത്യൂ ചൂരവടി കൈക്കാരന്മാരും പാരിഷ് സബ് കമ്മിറ്റി അംഗങ്ങളുമായി ആലോചിച്ചശേഷം കൃഷ്ണവേണിയുടെ സംസ്ക്കാര ചടങ്ങുകള് പള്ളിയില് നടത്താന് സ്ഥലം വിട്ടു നല്കുകയായിരുന്നു.
എടത്വാ: കൊവിഡ് ബാധിച്ച് മരിച്ച അന്യമതസ്ഥയുടെ മൃതദേഹം എടത്വാ പള്ളിയില് അടക്കി. 85കാരിയായ കൃഷ്ണവേണിയുടെ മൃതദേഹം അടക്കാനാണ് എടത്വാ സെന്റ് ജോര്ജ്ജ് ഫോറോനാ പള്ളിയില് ചിത ഒരുക്കിയത്. ഭര്ത്താവ് ശ്രീനിവാസനെയും ഇവിടെയാണ് അടക്കിയത്.
കോയില്മുക്ക് പുത്തന്പുരയില് (അശ്വതി) കൃഷ്ണവേണിയാണ് (85) കൊവിഡ് ബാധിച്ച് കഴിഞ്ഞ ചൊവ്വാഴ്ചയാണ് മരിച്ചത്. മൃതദേഹം സംസ്കരിക്കാന് വീട്ടില് സ്ഥലമില്ലാത്തതിനാല് എടത്വാ ഗ്രാമപഞ്ചായത്ത് അംഗം ബാബു മണ്ണാത്തുരുത്തില് എടത്വാ പള്ളിയെ സമീപിച്ചു. കുടുംബത്തിന്റെ ബുദ്ധിമുട്ടുകള് തിരിച്ചറിഞ്ഞ പള്ളി വികാരി ഫാ. മാത്യൂ ചൂരവടി കൈക്കാരന്മാരും പാരിഷ് സബ് കമ്മിറ്റി അംഗങ്ങളുമായി ആലോചിച്ചശേഷം കൃഷ്ണവേണിയുടെ സംസ്ക്കാര ചടങ്ങുകള് പള്ളിയില് നടത്താന് സ്ഥലം വിട്ടു നല്കുകയായിരുന്നു.
ഒരു മാസം മുന്പാണ് ശ്രീനിവാസന് കൊവിഡ് ബാധിച്ച് മരിച്ചത്. സംസ്കാരത്തിന് സ്ഥലം വിട്ടുനല്കിയ പള്ളി അധികൃതര്ക്ക് നന്ദി പറഞ്ഞാണ് കുടുംബം മടങ്ങിയത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
