യാത്രക്കാരനെ ആക്രമിച്ച കേസിലെ പ്രതി ജാമ്യത്തിലിറങ്ങിയ ശേഷം അൻവർ സാദത്ത് എംഎൽഎക്കെതിരെ വധഭീഷണി മുഴക്കി. കവർച്ചാ കേസ് പ്രതികൾക്ക് ശിക്ഷ ഉറപ്പാക്കണമെന്ന എംഎൽഎയുടെ പ്രതികരണമാണ് പ്രകോപനത്തിന് കാരണം.
കൊച്ചി: അൻവർ സാദത്ത് എംഎൽഎക്കെതിരെ കവർച്ചാ കേസ് പ്രതിയുടെ വധഭീഷണി കേസെടുത്ത് പൊലീസ്. ആലുവ റെയിൽവേ സ്റ്റേഷനിലേക്ക് പോയ യാത്രക്കാരനെ ആക്രമിച്ച കേസിലെ മൂന്നാം പ്രതിയാണ് ജാമ്യത്തിലിറങ്ങിയ ശേഷം ഫേസ്ബുക്കിലൂടെ അൻവർ സാദത്ത് എംഎൽഎക്കെതിരെ ഭീഷണി മുഴക്കിയത്. എംഎൽഎയെ കൊല്ലുമെന്നായിരുന്നു മേയ്ക്കാട് സ്വദേശി ജോബിയുടെ ഭീഷണി. കവർച്ച കേസ് പ്രതികൾക്ക് ശിക്ഷ ഉറപ്പാക്കണം എന്ന് എംഎൽഎ മാധ്യമങ്ങൾക്ക് നൽകിയ പ്രതികരണമായിരുന്നു പ്രകോപനം. ഇയാൾക്കെതിരെ സൈബർ പൊലീസാണ് കേസെടുത്തത്.
