20 ലിറ്റർ ചാരായവും 150 ലിറ്റർ കോടയും വാറ്റ് ഉപകരണങ്ങളും പിടികൂടി
ചേർത്തല: എക്സൈസ് ഇന്റലിജൻസും ചേർത്തല എക്സൈസ് സർക്കിൾ സംഘവും ചേർന്ന് അർത്തുങ്കലിൽ വ്യാജവാറ്റ് കേന്ദ്രത്തിൽ നടത്തിയ പരിശോധനയിൽ 20 ലിറ്റർ ചാരായവും 150 ലിറ്റർ കോടയും വാറ്റ് ഉപകരണങ്ങളും പിടികൂടി. അർത്തുങ്കൽ പഴമ്പാശേരി വീട്ടിൽ ജോൺ ജോസിനെ സംഭവ സ്ഥലത്ത് നിന്നും അറസ്റ്റ് ചെയ്തു. സംഘത്തിനു കിട്ടിയ രഹസ്യവിവരത്തെ തുടർന്നായിരുന്നു പരിശോധന.
Add Asianetnews as a Preferred Source
ചേർത്തല സർക്കിൾ ഓഫിസിലെ പ്രിവന്റീവ് ഓഫീസർ പി ടി ഷാജിയുടെ നേതൃത്വത്തിൽ നടത്തിയ പരിശോധനയിൽ എക്സൈസ് ഇന്റലിജൻസ് അസിസ്റ്റന്റ് എക്സൈസ് ഇൻസ്പെക്ടർ റോയി ജേക്കബ്ബ്, ചേർത്തല എക്സൈസ് സർക്കിൾ ഓഫീസിലെ പ്രവന്റിവ് ഓഫീസർ ഗ്രേഡ് അനിലാൽ പി, സിവിൽ എക്സൈസ് ഓഫീസർമാരായ ജോൺസൺ ജേക്കബ്, മോബി വർഗീസ്, സാജൻ ജോസഫ്, വനിതാ സിവിൽ എക്സൈസ് ഓഫീസർ ശ്രീജ, എക്സൈസ് ഡ്രൈവർ രജിത്കുമാർ എന്നിവർ പങ്കെടുത്തു.
