ക്രിസ്മസിന് പുല്ക്കൂട് ഒരുക്കേണ്ടേ, അലങ്കാരങ്ങള്ക്ക് മാത്രമായൊരു പ്രദര്ശനം ഇവിടെയുണ്ട്...
ക്രിസ്മസ് അലങ്കാരങ്ങളില് വ്യത്യസ്തത തേടുന്നവര്ക്കായി ഒരു പ്രദര്ശനം ഒരുക്കുകയാണ് വീട്ടമ്മയായ മനു മാത്യു...
കൊച്ചി: ക്രിസ്മസിന് പുല്ക്കൂടൊരുക്കുന്നതിനും വീട് അലങ്കരിക്കുന്നതിനുമുള്ള തിരക്കിലാകും എല്ലാവരും. ഡിസംബര് എത്തിയതോടെ കടകളിലും ക്രിസ്മസ് അലങ്കാരങ്ങള് നിറഞ്ഞുകഴിഞ്ഞു. എന്നാല് ക്രിസ്മസ് അലങ്കരങ്ങളില് വ്യത്യസ്തത തേടുന്നവര്ക്കായി പ്രദര്ശനം ഒരുക്കുകയാണ് വീട്ടമ്മയായ മനു മാത്യു. ഡിസംബർ 7, 8 തീയതികളിൽ എറണാകുളം പനമ്പിള്ളി നഗറിലെ പെപ്പർ ഫ്രൈ സ്റ്റുഡിയോയിൽ എത്തിയാല് കാണാം, വാങ്ങാം ഈ അലങ്കാര വസ്തുക്കള്.
കുപ്പികൾക്കുള്ളിൽ തീര്ത്ത പുൽക്കൂടുകളും 'ഡെക്കോ പാജ്' അലങ്കരിച്ച കുപ്പികളും ഈ പ്രദര്ശനത്തിലുണ്ട്. ഗ്ലാസിലും പ്ലേറ്റുകളിലും തീര്ത്ത അലങ്കാര വസ്തുക്കളും ലൈറ്റുകളും ഉപയോഗിച്ച് ഗ്ലാസ്സുകളിൽ തീർത്ത ക്രിസ്മസ് ഉപഹാരങ്ങളും വാൾ ഹാങിങ്ങുകളും പ്രദര്ശനത്തിനുണ്ടാകും .
പല വലിപ്പത്തിലുള്ള ക്രിസ്മസ് റീത്തുകൾ, ഗ്ലാസ് ഹാങ്ങിങ്ങുകള്, കാൻഡിൽ വെയ്സുകൾ തുടങ്ങിയവയും ഈ ക്രിസ്മസ് കാലത്ത് വീടുകൾ അലങ്കരിക്കുവാനായി ഒരുക്കിയിരിക്കുന്നു. 'ഹാൻഡ് ആർട്ടിക്ക' എന്ന പേരിൽ ഒരുക്കിയിരിക്കുന്ന പ്രദര്ശനം രാവിലെ 11 മാണി മുതൽ രാത്രി 8 മണി വരെയാണ്.