Asianet News MalayalamAsianet News Malayalam

കണ്ണൂരിൽ വീടിന്റെ മച്ച് തകർന്നുവീണ് വീട്ടമ്മ മരിച്ചു, മകൻ ആശുപത്രിയിൽ

പുലർച്ചെ ഒന്നരയോടെയാണ് മച്ച് തകർന്നുവീണ് അപകടമുണ്ടായത്. 

Housewife dies after house collapses in Kannur, son hospitalized
Author
Kannur, First Published Oct 4, 2021, 8:46 AM IST
  • Facebook
  • Twitter
  • Whatsapp

കണ്ണൂർ: കണ്ണൂരിൽ (Kannur) വീടിന്റെ മച്ച് തകർന്ന് വീണ് വീട്ടമ്മ (House Wife) മരിച്ചു. പൊടിക്കുണ്ട് സ്വദേശി വസന്തയുടെ ദേഹത്തേക്കാണ് മച്ചും മര സാധനങ്ങളും ഇടിഞ്ഞുവീണത്. മകൻ ഷിബുവിനെ പരിക്കുകളോടെ ആശുപത്രിയിൽ (Hospital) പ്രവേശിപ്പിച്ചു. ഇന്ന് പുലർച്ചെ ഒരുമണിക്കാണ് കണ്ണൂർ നഗര പ്രദേശമായ പൊടിക്കുണ്ടിൽ ദാരുണമായ സംഭവം നടന്നത്. 

താഴത്തെ നിലയിലെ മുറിയിൽ ഉറങ്ങുകയായിരുന്ന വീട്ടമ്മയടെ ദേഹത്തേക്ക് വീടിന്റെ മച്ച് തകർന്ന് വീഴുകയായിരുന്നു. കൊയ്യിലി പവിത്രന്റെ ഭാര്യ വസന്ത തൽക്ഷണം മരിച്ചു. മുകളിലത്തെ നിലയിൽ  ഉറങ്ങുകയായിരുന്ന മകൻ ഷിബുവും താഴെ വീണെങ്കിലും പരിക്കുകളോടെ രക്ഷപ്പെട്ടു.  ആ മുറിയിലെ കട്ടിലും ഷെൽഫും ഉൾപ്പടെയുള്ള ഉപകരണങ്ങൾളെല്ലാം താഴെവീണു. 

അടുത്ത മുറിയിലുണ്ടായിരുന്ന മറ്റ് കുടുംബാംഗങ്ങൾ തലനാരിഴയ്ക്കാണ് രക്ഷപ്പെട്ടത്. വലിയ ശബ്ദം കേട്ട് അയൽവാസികൾ ഓടിയെത്തി രക്ഷാ പ്രവർത്തനം തുടങ്ങി. പൊലീസും ഉടൻ തന്നെ സ്ഥലത്തെത്തി. അവശിഷ്ടങ്ങൾക്ക് മുകളിലുണ്ടായിരുന്ന ഷിബുവിനെ പെട്ടെന്ന് ആശുപത്രിയിൽ കൊണ്ടുപോയി. തലക്ക് പരിക്കേറ്റ ഇയാൾ അപകടനില തരണം ചെയ്തിട്ടുണ്ട്. 

അമ്പതിലേറെ വർഷം പഴക്കമുള്ള വീടിന്‍റെ മച്ചാണ് തകർന്ന് വീണത്. രണ്ട് ദിവസമായി ഇടവിട്ട് ശക്തമായ മഴയും ഉണ്ടായിരുന്നു. വസന്തയുടെ മൃതദേഹം കണ്ണൂർ ജില്ലാ ആശുപത്രിയിലേക്ക് മാറ്റി. പുലർച്ചെ ഉണ്ടായ ദാരുണ സംഭവത്തിന്‍റെ നടുക്കത്തിലാണ് പൊടിക്കുണ്ട് നിവാസികൾ.

Follow Us:
Download App:
  • android
  • ios