റോഡിലൂടെ ആ സമയത്ത് സഞ്ചരിച്ച മറ്റ് വാഹനങ്ങൾക്ക് വലിയ ശല്യമാണ് യുവാക്കൾ ഉണ്ടാക്കിയത്. ഇവരുടെ യാത്രകണ്ട് സഹികെട്ട് പിന്നാലെ എത്തിയ വാഹനത്തിലെ യാത്രക്കാർ ഇത് പകർത്തുകയായിരുന്നു
മൂന്നാർ: മൂന്നാറിൽ കാറിൽ അപകടയാത്ര നടത്തിയ യുവാക്കൾക്കെതിരെ എം വി ഡി അന്വേഷണം തുടങ്ങി. തിരക്കുള്ള മൂന്നാർ - വട്ടവട റോഡിൽ വ്യാഴാഴ്ചയാണ് യുവാക്കൾ അപകട യാത്ര നടത്തിയത്. കാറിന്റെ ഡോറിലിരുന്ന് അവർ വലിയ തോതിലുള്ള അഭ്യാസപ്രകടനമാണ് നടത്തിയത്.
റോഡിലൂടെ ആ സമയത്ത് സഞ്ചരിച്ച മറ്റ് വാഹനങ്ങൾക്ക് വലിയ ശല്യമാണ് യുവാക്കൾ ഉണ്ടാക്കിയത്. ഇവരുടെ അപകട യാത്രകണ്ട് സഹികെട്ട് പിന്നാലെ എത്തിയ വാഹനത്തിലെ യാത്രക്കാർ ഇത് പകർത്തുകയായിരുന്നു. ഈ ദൃശ്യങ്ങൾ പ്രചരിച്ചതോടെ മോട്ടോർ വാഹന വകുപ്പ് അന്വേഷണം തുടങ്ങിയിട്ടുണ്ട്. ഇത്തരം അഭ്യാസ പ്രകടനം നടത്തുന്നവർക്കെതിരെ കർശന നടപടിയുണ്ടാകുമെന്നും എം വി ഡി ഉദ്യോഗസ്ഥർ അറിയിച്ചു.
