വാളയാറിൽ കെഎസ്ആർടിസി ബസിൽ കഞ്ചാവ് കടത്താൻ ശ്രമിച്ച യുവതി പിടിയിൽ
ആലപ്പുഴ തുറവൂർ സ്വദേശി പ്രീതയെയാണ് എക്സൈസ് പിടികൂടിയത്. ഷോൾഡർ ബാഗിൽ പ്രത്യേക അറയിലായിരുന്നു കഞ്ചാവ് ഒളിപ്പിച്ചിരുന്നത്. കഞ്ചാവിന്‍റ മണം പുറത്തറിയാതിരിക്കാൻ മുല്ലപ്പൂ നിറച്ചായിരുന്നു കടത്തിയിരുന്നത്.
പാലക്കാട്: പാലക്കാട് വാളയാറിൽ കെഎസ്ആർടിസി ബസിൽ കടത്തുകയായിരുന്ന അരക്കിലോ കഞ്ചാവുമായി യുവതി പിടിയിലായി. ആലപ്പുഴ തുറവൂർ സ്വദേശി പ്രീതയെയാണ് എക്സൈസ് പിടികൂടിയത്.
അഞ്ച് വർഷമായി താൻ ലഹരിക്ക് അടിമയാണെന്ന് പ്രീത എക്സൈസ് സംഘത്തോട് പറഞ്ഞു. കഴിഞ്ഞ രണ്ട് മാസമായി കോയമ്പത്തൂരിൽ നിന്നും പാലക്കാട്ടേക്ക് കഞ്ചാവ് കടത്തി വരികയായിരുന്നുവെന്നും പ്രീത വെളിപ്പെടുത്തി.
ഷോൾഡർ ബാഗിൽ പ്രത്യേക അറയിലായിരുന്നു കഞ്ചാവ് ഒളിപ്പിച്ചിരുന്നത്. കഞ്ചാവിന്‍റ മണം പുറത്തറിയാതിരിക്കാൻ മുല്ലപ്പൂ നിറച്ചായിരുന്നു കടത്തിയിരുന്നത്. ദിവസം രണ്ടിലേറ തവണ കഞ്ചാവ് കടത്താറുണ്ടെന്ന് പിടിയിലായ പ്രീത എക്സൈസിനോട് പറഞ്ഞു.
