വീട്ടുവളപ്പിൽ കഞ്ചാവ് ചെടി; ചേർത്തലയില് വീട്ടുടമസ്ഥനെ അറസ്റ്റ് ചെയ്തു
വീട്ടുവളപ്പിൽ കഞ്ചാവ് ചെടി നട്ടുവളർത്തിയ വീട്ടുടമസ്ഥനെ അറസ്റ്റ് ചെയ്തു.
ചേർത്തല: വീട്ടുവളപ്പിൽ കഞ്ചാവ് ചെടി നട്ടുവളർത്തിയ വീട്ടുടമസ്ഥനെ അറസ്റ്റ് ചെയ്തു. കണിച്ചുകുളങ്ങര സ്വദേശി ആനന്ദ് (52) നെയാണ് ആലപ്പുഴ- ചേർത്തല എക്സൈസ് സംഘം പിടികൂടിയത്. റെയിഡിൽ നാല് കഞ്ചാവ് ചെടി കണ്ടെടുത്തു.
പിടികൂടിയവയിൽ ഒന്നര മീറ്റർ, ഒന്നേ കാൽ മീറ്റർ എന്നീ അളവിലുള്ളവയും , 2 മാസം പ്രായം എത്തിയവയും മൂപ്പെത്തിയവയുമായ കഞ്ചാവ് ചെടിയുമുണ്ടായിരുന്നു. രണ്ട് സ്പിരിറ്റ് കേസുകളിലെ പ്രതി കൂടിയാണ് ആനന്ദ് . ഇയാളുടെ സഹോദരൻ വ്യാജ കള്ള് കേസിലേയും പ്രതിയാണ്.
കഞ്ചാവ് വർഷങ്ങളായി ഉപയോഗിക്കുന്ന പ്രതി സ്വന്തം ആവശ്യത്തിനായി നട്ടുവളർത്തിയതാണ് ഇവയെന്ന് പൊലീസിനോട് പറഞ്ഞു.