യുകെയിൽ പഠിക്കാൻ വിദ്യാഭ്യാസ ലോൺ ശരിയാക്കാമെന്ന് വാഗ്ദാനം നൽകി യുവതിയിൽ നിന്ന് 2,19,140 രൂപ തട്ടിയെടുത്ത കേസിൽ 'കെ ജി എഫ് സ്വാമി' എന്നറിയപ്പെടുന്ന ഷാജിക്കെതിരെ പോലീസ് പുതിയ കേസ് രജിസ്റ്റർ ചെയ്തു.
തിരുവനന്തപുരം : കെ ജി എഫ് സ്വാമിക്കെതിരെ ഒരു കേസ് കൂടി രജിസ്റ്റർ ചെയ്തു. യു.കെയിൽ പഠിക്കുന്നതിനായി വിദ്യാഭ്യാസ ലോൺ ശരിയാക്കി നൽകാമെന്ന് പറഞ്ഞ് വിശ്വസിപ്പിച്ച് 2,19,140 രൂപയുടെ തട്ടിപ്പ് നടത്തിയ സംഭവത്തിലാണ് പോലീസ് പുതിയ കേസ് രജിസ്റ്റർ ചെയ്തത്. ഉഴവത്ത്കടവ് പുതിയ റോഡ് സ്വദേശിനിയുടെ മകൾക്ക് യു.കെ യിൽ പഠിക്കുന്നതിനായി വിദ്യാഭ്യാസ ലോൺ ശരിയാക്കി നൽകാമെന്ന് പറഞ്ഞ് വിശ്വസിപ്പിച്ചാണ് ലക്ഷങ്ങൾ തട്ടിയെടുത്തതെന്നാണ് പരാതി.
15-10-2025 മുതൽ 29-04-2026 വരെയുള്ള കാലയളവിനുള്ളിൽ ബാങ്ക് അക്കൗണ്ട് മുഖേനയും നേരിട്ടും പല തവണകളായി 2,19,140 'കെ.ജി.എഫ് സ്വാമി' എന്നറിയപ്പെടുന്ന പത്തനംതിട്ട സ്വദേശി മാധവമംഗലം മനാഴിയിൽ വീട്ടിൽ ഷാജി (61) എന്നയാൾക്ക് കൈമാറിയെന്നാണ് പരാതിയിൽ പറയുന്നത്. കൊടുങ്ങല്ലൂർ പൊലീസ് കേസെടുത്ത് അന്വേഷണം ആരംഭിച്ചു. സ്വർണ്ണഖനിയിൽ നിന്ന് നേരിട്ട് സ്വർണ്ണക്കട്ടികൾ എത്തിച്ചുനൽകാമെന്ന് വിശ്വസിപ്പിച്ച് ലക്ഷക്കണക്കിന് രൂപയുടെ തട്ടിപ്പ് നടത്തിയ കേസിൽ കഴിഞ്ഞ ദിവസം സ്വാമി അറസ്റ്റിലായിരുന്നു.
