സ്കൂള് ബസില് നിന്നിറങ്ങിയ എല്കെജി വിദ്യാര്ത്ഥി അതേ ബസിനടിയില്പ്പെട്ട് മരിച്ചു
സ്കൂള് ബസിലെത്തിയ എല്കെജി വിദ്യാര്ത്ഥി അതേ ബസിനടിയില്പ്പെട്ട് മരിച്ചു.
![student died in school bus accident student died in school bus accident](https://static-ai.asianetnews.com/images/01e1yebwazeacvefmnvce8gyev/pjimage---2020-02-25t202519-691-jpg_363x203xt.jpg)
പേരാവൂര്: സ്കൂള് ബസില് നിന്നിറങ്ങിയ എല്കെജി വിദ്യാര്ത്ഥി അതേ ബസിനടിയില്പ്പെട്ട് മരിച്ചു. കണ്ണൂരിലെ പേരാവൂര് പുതുശ്ശേരി പുത്തന്പുരയില് ഫൈസലിന്റെയും റസീനയുടെയും മകന് മുഹമ്മദ് റഫാനാ(5)ണ് മരിച്ചത്. പേരാവൂര് ശാന്തിനികേതന് ഇംഗ്ലീഷ് സ്കൂളിലെ എല്കെജി വിദ്യാര്ത്ഥിയാണ്.
കാഞ്ഞിരപ്പുഴ-പുതുശ്ശേരി റോഡില് ചൊവ്വാഴ്ച വൈകിട്ട് 4.15-ഓടെയാണ് അപകടം. സ്കൂള് ബസില് വീടിന് സമീപത്തെ സ്റ്റോപ്പില് വന്നിറങ്ങിയതാണ് റഫാനും സഹോദരന് സല്മാനും. എതിര്വശത്തെ വീട്ടിലേക്ക് നടക്കുന്നതിനിടെ ബസിന്റെ പിന്ഭാഗത്തെ ടയര് കയറിയാണ് അപകടമുണ്ടായത്. സല്മാന്, ഫര്സ ഫാത്തിമ എന്നിവരാണ് സഹോദരങ്ങള്. മൃതദേഹം പരിയാരം മെഡിക്കല് കോളേജ് ആശുപത്രിയിലെ മോര്ച്ചറിയില് സൂക്ഷിച്ചിരിക്കുകയാണ്.