പെരിന്തല്മണ്ണയില് വീട് കുത്തിത്തുറന്ന് മോഷണം: കവര്ന്നത് 20 പവന്
സംഭവത്തില് പെരിന്തല്മണ്ണ പൊലീസ് വീട്ടിലെത്തി പരിശോധന നടത്തി. ഡോഗ് സ്ക്വാഡും വിരലടയാള വിദഗ്ധരും തെളിവുകള് ശേഖരിച്ചു.
മലപ്പുറം: പെരിന്തല്മണ്ണ ഏലംകുളം മുതുകുര്ശ്ശി എളാട്ട് ഭാഗത്ത് വീട് കുത്തി തുറന്ന് മോഷണം. കുന്നത്ത് പറമ്പന് വാസുദേവന്റെ വീട്ടിലാണ് മോഷണം നടന്നത്. മുറിക്കത്ത് അലമാരയില് സൂക്ഷിച്ചിരുന്ന 20 പവന് സ്വര്ണാഭരണങ്ങള് നഷ്ടപ്പെട്ടതായി വീട്ടുകാര് പരാതിപ്പെട്ടു.
ഞായറാഴ്ച പുലര്ച്ചെ വാസുദേവനും കുടുംബവും എറണാകുളത്തേക്ക് പോയതായിരുന്നു. രാത്രി 11.30ഓടെ വീട്ടില് തിരിച്ചെത്തിയപ്പോഴാണ് മോഷണവിവരം അറിഞ്ഞത്. വീടിന്റെ പുറകുവശത്തെ വാതില് കുത്തിത്തുറന്നാണ് മോഷ്ടാവ് അകത്ത് കടന്നത്. വാതില് തകര്ക്കാന് ഉപയോഗിച്ച ആയുധങ്ങള് കണ്ടെടുത്തു. സംഭവത്തില് പെരിന്തല്മണ്ണ പൊലീസ് വീട്ടിലെത്തി പരിശോധന നടത്തി. മലപ്പുറത്ത് നിന്നെത്തിയ ഡോഗ് സ്ക്വാഡും വിരലടയാള വിദഗ്ധരും തെളിവുകള് ശേഖരിച്ചു. അന്വേഷണം ഊര്ജിതമാക്കിയിട്ടുണ്ടെന്ന് പൊലീസ് അറിയിച്ചു.
മുഖ്യമന്ത്രി വിദേശത്തേക്ക്; യു എസ്, ക്യൂബ യാത്രകൾക്ക് കേന്ദ്ര സര്ക്കാരിന്റെ അനുമതി