Asianet News MalayalamAsianet News Malayalam

ബാര്‍ബര്‍ ഷോപ്പിൽ വെച്ച് തർക്കം; കത്രിക കൊണ്ടുള്ള കുത്തേറ്റ് രണ്ട് പേര്‍ക്ക് പരിക്ക്

ഒരാൾക്ക് ചെവിക്ക് താഴെയും, വയറിലുമാണ് മുറിവേറ്റത്. മറ്റൊരാൾക്ക് കൈയിലും കുത്തേറ്റു. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി

two men injured in a fight occurred inside a barber shop in Kozhikode
Author
First Published Jun 22, 2024, 4:56 AM IST

കോഴിക്കോട്: ബാർബർ ഷോപ്പിൽ വെച്ചുള്ള തർക്കത്തിനിടെ താമരശ്ശേരിയില്‍ രണ്ട് യുവാക്കള്‍ക്ക് കത്രിക കൊണ്ട് കുത്തേറ്റു. മൂലത്തുമണ്ണില്‍ ഓടക്കുന്ന് ഷെബീര്‍, ചെമ്പ്ര പറൂക്കാക്കില്‍ നൗഷാദ് എന്നിവര്‍ക്കാണ് പരിക്കേറ്റത്. ചെമ്പ്ര സ്വദേശിയായ ബാദുഷയാണ് തങ്ങളെ അക്രമിച്ചതെന്ന് പരിക്കേറ്റവര്‍ പറഞ്ഞു. താമരശ്ശേരി ഓടക്കുന്നുള്ള ബാര്‍ബര്‍ ഷോപ്പില്‍ വെച്ചാണ് ഇരുവര്‍ക്കും കുത്തേറ്റത്.

ഷബീറും ബാദുഷയും ബിസിനസ് പങ്കാളികളാണെന്നും ഇവര്‍ തമ്മില്‍ ഇതു സംബന്ധിച്ച് തര്‍ക്കം നിലനിന്നിരുന്നു എന്നുമാണ് ലഭിക്കുന്ന വിവരം. ഓടക്കുന്നുള്ള ബാര്‍ബര്‍ ഷോപ്പില്‍ മുടി വെട്ടാന്‍ എത്തിയ ഷബീറിന്റെ കൂടെ നില്‍ക്കുകയായിരുന്ന നൗഷാദുമായി ബാദുഷ വാക്കേറ്റമുണ്ടാക്കുകയും തുടര്‍ന്ന് കത്രിക കൊണ്ട് കുത്തുകയുമായിരുന്നു. ഇത് തടയാന്‍ ശ്രമിക്കുന്നതിനിടയിലാണ് ഷെബീറിന് കുത്തേറ്റത്. ഷബീറിന്റെ ചെവിക്ക് താഴെയും, വയറിലുമാണ് മുറിവേറ്റത്. നൗഷാദിന്റെ കൈയിലും കുത്തേറ്റു. പരിക്കേറ്റ ഇരുവരേയും താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ചു. സംഭവത്തിൽ താമരശ്ശേരി പോലീസ് കേസ് എടുത്ത് അന്വേഷണം ആരംഭിച്ചു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം

Latest Videos
Follow Us:
Download App:
  • android
  • ios