സംസ്ഥാനത്ത് രണ്ടിടങ്ങളിലായി ഒരു കുട്ടിയടക്കം രണ്ട് പേർ മുങ്ങി മരിച്ചു
ചെറുതുരുത്തിയിൽ പുഴയിൽ മീൻ പിടിക്കാൻ ഇറങ്ങിയ ആളാണ് ഒഴുക്കിൽ പെട്ട് മരിച്ചത്. ഫറോക്കിൽ നാല് വയസുകാരനാണ് പുഴയിൽ വീണുമരിച്ചത്.
തിരുവനന്തപുരം: സംസ്ഥാനത്ത് രണ്ടിടങ്ങളിലായി രണ്ട് പേര് മുങ്ങിമരിച്ചു. തൃശൂർ ചെറുതുരുത്തിയിലും കോഴിക്കോട് ഫറോക്കിലുമാണ് സംഭവം.
ചെറുതുരുത്തിയിൽ പുഴയിൽ മീൻ പിടിക്കാൻ ഇറങ്ങിയ ആളാണ് ഒഴുക്കിൽ പെട്ട് മരിച്ചത്. തൊഴുപ്പാടം സ്വദേശി മോഹൻദാസ് ആണ് മരിച്ചത്. കൂടെ ഉണ്ടായിരുന്ന സുഹൃത്ത് രാജേഷിനായി തെരച്ചിൽ തുടരുന്നു.
ഫറോക്കിൽ നാല് വയസുകാരനാണ് പുഴയിൽ വീണുമരിച്ചത്. പള്ളിയറയ്ക്കൽ അമ്പലത്തിനടുത്തായാണ് മുനവ്വറലിയെന്ന കുട്ടി ഫറോക്ക് പുഴയിലേക്ക് വീണ് മരിച്ചത്.