Asianet News MalayalamAsianet News Malayalam

ആരുമറിഞ്ഞില്ല, കൊല്ലത്ത് വീട്ടുമുറ്റത്ത് നിന്നും ബൈക്ക് മോഷ്ടിച്ചു, നമ്പർ മാറ്റി ഒളിപ്പിച്ചു; പ്രതികൾ പിടിയിൽ

അഞ്ചല്‍ പൊലീസ് പ്രദേശത്തെ സിസിടിവി ദൃശ്യങ്ങള്‍ ഉള്‍പ്പടെ പരിശോധിച്ച് അന്വേഷണം നടത്തിവരികയായിരുന്നു. ഇതിനിടയാണ് രഞ്ജിത്തും, ഷൈജുവും കഴിഞ്ഞ ദിവസം മറ്റൊരു മോഷണ കേസിൽ പുനലൂർ പൊലീസിന്‍റെ പിടിയിലായത്.

two youths arrested for bike theft case in anchal
Author
First Published Jun 19, 2024, 2:11 PM IST

അഞ്ചൽ:  കൊല്ലം അഞ്ചലില്‍ വീട്ടുമുറ്റത്ത് പാര്‍ക്ക് ചെയ്തിരുന്ന ബൈക്ക് മോഷ്ടിച്ച കേസില്‍ രണ്ടുപേര്‍ അറസ്റ്റില്‍. പത്തനാപുരം പുന്നല സ്വദേശി രഞ്ജിത്, കടയ്ക്കാമണ്‍ സ്വദേശി ഷൈജു എന്നിവരാണ് പിടിയിലായത്. മറ്റൊരു മോഷണ കേസിൽ പുനലൂർ പൊലീസ് പിടികൂടിയപ്പോഴാണ് അഞ്ചലിൽ നിന്ന് ബൈക്ക് മോഷ്ടിച്ചതും ഇവരാണെന്ന് കണ്ടെത്തിയത്. കഴിഞ്ഞ മാസം 19 നാണ് അഞ്ചൽ കൊച്ചുകുരുവിക്കോണത്ത് വീടിന്റെ മുന്നിൽ പാർക്ക് ചെയ്തിരുന്ന ബൈക്ക് മോഷണം പോയത്. 

ഉടമയുടെ പരാതിയില്‍ കേസെടുത്ത അഞ്ചല്‍ പൊലീസ് പ്രദേശത്തെ സിസിടിവി ദൃശ്യങ്ങള്‍ ഉള്‍പ്പടെ പരിശോധിച്ച് അന്വേഷണം നടത്തിവരികയായിരുന്നു. ഇതിനിടയാണ് രഞ്ജിത്തും, ഷൈജുവും കഴിഞ്ഞ ദിവസം മറ്റൊരു മോഷണ കേസിൽ പുനലൂർ പൊലീസിന്‍റെ പിടിയിലായത്. ചോദ്യം ചെയ്യലിൽ അഞ്ചലിലെ ബൈക്ക് മോഷണത്തിന് പിന്നിലും ഇവരാണെന്ന് പൊലീസ് കണ്ടെത്തി. പുനലൂര്‍ കേസിൽ

റിമാൻഡിലായ പ്രതികളെ അഞ്ചല്‍ പൊലീസ് കസ്റ്റഡിയില്‍ വാങ്ങി. പ്രതികളെ ചോദ്യം ചെയ്തതിൽ നിന്നും പത്തനാപുരത്തെ ഒരു വീട്ടില്‍ നിന്ന് നമ്പര്‍ മാറ്റി ഒളിപ്പിച്ച നിലയില്‍ പൊലീസ് ബൈക്ക് കണ്ടെത്തി. തുടർ നടപടികൾക്ക് ശേഷം കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. 

Read More : വർക്കലയിൽ ബ്രൗൺ ഷുഗറുമായി രണ്ട് അസം സ്വദേശികൾ എക്സൈസിന്‍റെ പിടിയിൽ

Latest Videos
Follow Us:
Download App:
  • android
  • ios