മുവാറ്റുപുഴയിൽ യുവതിയുടെ ചിത്രം എഡിറ്റ് ചെയ്ത് നഗ്ന വീഡിയോയാക്കി സമൂഹമാധ്യമങ്ങളിൽ പ്രചരിപ്പിച്ച യുവാവിനെ പോലീസ് അറസ്റ്റ് ചെയ്തു. വാളകം കുന്നക്കാൽ സ്വദേശിയായ ബേസിൽ സാജുവാണ് മുവാറ്റുപുഴ പോലീസിന്റെ പിടിയിലായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
കൊച്ചി: യുവതിയുടെ ചിത്രം എഡിറ്റ് ചെയ്ത് പ്രചരിപ്പിച്ച യുവാവ് പിടിയിലായി. മുവാറ്റുപുഴ വാളകം കുന്നക്കാൽ സ്വദേശിയായ കാവിക്കുന്നേൽ വീട്ടിൽ ബേസിൽ സാജു(27)വിനെയാണ് മുവാറ്റുപുഴ പൊലീസ് ഇൻസ്പെക്ടർ അനിൽ ജോർജിന്റെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തത്.
Add Asianetnews as a Preferred Source
മുവാറ്റുപുഴയിൽ താമസിക്കുന്ന യുവതിയുടെ ചിത്രം എഡിറ്റ് ചെയ്ത് നഗ്ന വീഡിയോ ആക്കി സമൂഹ്യ മാധ്യമങ്ങളിൽ പ്രചരിപ്പിക്കുകയായിരുന്നു പ്രതി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എസ്ഐ മാരായ എം വി ദിലീപ് കുമാർ , എൻ എസ് റോയ്, എസ് ശ്രീനാഥ് സീനിയർ സിവിൽ പോലീസ് ഓഫീസർമാരായ ജറീഷ് സി എ ,സന്ദീപ് ബാബു ,സന്ദീപ് പ്രഭാകർ , ബഷീറ എസ് എം എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
