പഴക്കടയില്‍ മോഷണ ശ്രമം; യുവാക്കളെ കയ്യോടെ പിടികൂടി പൊലീസ്
ചെന്നിത്തല പുത്തുവിളപ്പടിക്ക് തെക്കുവശത്തായി മവേലിക്കര ഉമ്പർനാട് ലക്ഷ്മി നിവാസിൽ ഗോപാലകൃഷ്ണന്റെ പഴക്കടയിൽ മോഷണം നടത്താനുള്ള ശ്രമത്തിനിടെയാണ് ഇവർ പിടിയിലായത്.
മാന്നാർ: പഴക്കടയിൽ മോഷണം നടത്താന്‍ ശ്രമിച്ച മൂന്ന് യുവാക്കളെ മാന്നാർ പൊലീസ് പിടികൂടി. ചങ്ങനാശേരി സ്വദേശികളായ ആർച്ച വീട്ടിൽ അഭിരാം വിജയൻ (27), ആലയിൽ ഷാ ഭവനിൽ സോനു എന്നു വിളിപ്പേരുള്ള ഇഗ്ഫർ (29), ക്ലായിക്കാട് കൊച്ചുപറമ്പിൽ അലൻ ജയിംസ് (21) എന്നിവരെയാണ് മാന്നാർ പൊലീസ് പിടികൂടിയത്.
ചൊവ്വാഴ്ച പുലർച്ചെ ചെന്നിത്തല പുത്തുവിളപ്പടിക്ക് തെക്കുവശത്തായി മവേലിക്കര ഉമ്പർനാട് ലക്ഷ്മി നിവാസിൽ ഗോപാലകൃഷ്ണന്റെ പഴക്കടയിൽ മോഷണം നടത്താനുള്ള ശ്രമത്തിനിടെയാണ് ഇവർ പിടിയിലായത്. പൊലീസ് പട്രോളിംഗിനിടെ കടയിൽ സംശയാസ്പദമായി കണ്ട ഇവരെ ചോദ്യം ചെയ്തപ്പോഴാണ് കടയുടെ താഴ് അറുത്ത നിലയിൽ കണ്ടെത്തിയത്. ഇവർ സഞ്ചരിച്ചിരുന്ന പെട്ടിഓട്ടോറിക്ഷയും പൊലീസ് കസ്റ്റഡിയിലെടുത്തു. സിഐ സി ബിനു, എസ് ഐമാരായ ജോർജ്കുട്ടി, കെ പി ഷാജി എന്നിവരടങ്ങുന്ന സംഘമാണ് പ്രതികളെ പിടികൂടിയത്.
