ജിഎസ്ടിയിലെ ആശങ്കകൾ ഉടൻ പരിഹരിക്കുമെന്ന് അരുൺ ജെയ്റ്റിലി
ജിഎസ്ടിയിലെ ആശങ്കകൾ ഉടൻ പരിഹരിക്കുമെന്ന് വ്യാപാരികൾക്ക് കേന്ദ്രധനമന്ത്രി അരുൺ ജെയ്റ്റിലിയുടെ ഉറപ്പ്. ചരക്ക് സേവന നികുതിയിലെ റിട്ടേൺ തിരിച്ച് കിട്ടാൻ സർക്കാർ എത്രയും പെട്ടെന്ന് നടപടി എടുക്കണമെന്ന ആവശ്യപ്പെട്ട് വ്യാപാരികൾ ജെയ്റ്റ്ലിയെ കണ്ടു. ജിഎസ്ടി റിട്ടേൺ കിട്ടാൻ വൈകുന്നതിനാൽ പ്രതിസന്ധി നേരിടുകയാണെന്ന് ഫെഡറേഷൻ ഓഫ് ഇന്ത്യൻ എക്സ്പോർട്ട് ഭാരവാഹികൾ ധനമന്ത്രിയെ അറിയിച്ചു. ഐജിഎസ്ടി ഏർപ്പെടുത്തിയത് മൂലം മറ്റ് രാജ്യങ്ങളിലെ കയറ്റുമതിക്കാരുമായി പിടിച്ച് നിൽക്കാനാവുന്നിലെന്ന് ധനമന്ത്രിയെ വ്യാപാരികൾ അറിയിച്ചു. ജിഎസ്ടി നടപ്പാക്കിയതിന് ശേഷം തുണിത്തരങ്ങൾ, ടൈലുകൾ, കരകൗശല വസ്തുക്കൾ എന്നിവയുടെ കയറ്റുമതിയിൽ വൻ ഇടിവുണ്ടായിട്ടുണ്ട്.