വെയ്റ്റിംഗ് ലിസ്റ്റ് നിര്ത്തലാക്കുന്നു; വാര്ത്തയുടെ സത്യം
ദില്ലി: റെയിൽവേ പാസഞ്ചർ റിസർവേഷൻ സമ്പ്രദായത്തിൽ ജൂലൈ ഒന്നുമുതൽ വൻമാറ്റങ്ങൾ വരുന്നതായി വാട്സാപ്പിൽ പ്രചരിക്കുന്ന വിവരങ്ങൾ വ്യാജമാണെന്നു റെയിൽവേ വൃത്തങ്ങൾ അറിയിച്ചു. വെയ്റ്റ് ലിസ്റ്റ് സമ്പ്രദായം നിർത്തലാക്കുന്നു, രാജധാനി – ശതാബ്ദി ട്രെയിനുകളിൽ പേപ്പർ ടിക്കറ്റിനു പകരം മൊബൈൽ ടിക്കറ്റ് നിർബന്ധമാക്കും, പ്രീമിയം ട്രെയിനുകൾ നിർത്തലാക്കും എന്നിങ്ങനെയാണു വാട്സാപ്പിൽ പ്രചരിക്കുന്നത്.