ഇന്ത്യന്‍ ഓഹരി വിപണിയിൽ കുതിപ്പ്. ദേശീയ ഓഹരി സൂചികയായ നിഫ്റ്റി വീണ്ടും പതിനായിരം കടന്നു. സെൻസെക്സ് 200 പോയന്‍റിലധികം ഉയർന്നു. രാജ്യാന്തര വിപണികളിലെ നേട്ടത്തിനൊപ്പം വിവിധ സെക്ടറുകൾ നേട്ടത്തിലേക്കുയർന്നതാണ് വിപണിയെ തുണച്ചത്. ഇർമ ചുഴലിക്കാറ്റിനെ തുടർന്ന് അമേരിക്കയോടുള്ള നിലപാട് ഉത്തരകൊറിയ തത്കാലം മയപ്പെടുത്തിയതാണ് ആഗോള വിപണികളിലെ നേട്ടത്തിന് അടിസ്ഥാനം. 31,900ത്തിന് അടുത്താണ് സെൻസെക്സിലെ വ്യാപാരം. അതേസമയം ഡോളറുമായുള്ള വിനിമയത്തിൽ രൂപ നഷ്‍ടത്തിലാണ്.