Asianet News MalayalamAsianet News Malayalam

Meow Song : ലാല്‍ജോസ് ചിത്രത്തിലെ വിനീത് ശ്രീനിവാസന്‍ ഗാനം; 'മ്യാവൂ' വീഡിയോ സോംഗ്

ഇക്ബാല്‍ കുറ്റിപ്പുറത്തിന്‍റെ തിരക്കഥ

Chundeli Video Song Meow Movie Lal Jose Soubin Shahir Justin Varghese
Author
Thiruvananthapuram, First Published Dec 17, 2021, 11:38 PM IST

സൗബിന്‍ ഷാഹിറിനെ (Soubin Shahir) നായകനാക്കി ലാല്‍ജോസ് (Laljose) സംവിധാനം ചെയ്യുന്ന 'മ്യാവൂ' (Meow) എന്ന ചിത്രത്തിലെ പുതിയ വീഡിയോ ഗാനം (Video Song) പുറത്തെത്തി. ജസ്റ്റിന്‍ വര്‍ഗീസ് സംഗീതം പകര്‍ന്നിരിക്കുന്ന ഗാനം ആലപിച്ചിരിക്കുന്നത് സൗബിനും വിനീത് ശ്രീനിവാസനുമാണ്. പൂര്‍ണ്ണമായും റാസല്‍ഖൈമയില്‍ ചിത്രീകരിച്ച ഈ സിനിമയില്‍ ആലുവ സ്വദേശിയായ ഗ്രോസറി നടത്തിപ്പുകാരന്‍ 'ദസ്‍തഗീര്‍' ആണ് സൗബിന്‍റെ കഥാപാത്രം. മംമ്ത മോഹന്‍ദാസ് ആണ് ചിത്രത്തിലെ നായിക.

ഡോ. ഇക്ബാല്‍ കുറ്റിപ്പുറത്തിന്‍റേതാണ് സിനിമയുടെ രചന. അറബിക്കഥ, ഡയമണ്ട് നെക്ലേസ്, വിക്രമാദിത്യന്‍ എന്നീ ചിത്രങ്ങള്‍ക്കു ശേഷം ലാല്‍ജോസിനുവേണ്ടി ഇക്ബാല്‍ കുറ്റിപ്പുറം എഴുതുന്ന തിരക്കഥയാണ് മ്യാവൂ. സലിംകുമാര്‍, ഹരിശ്രീ യൂസഫ്, യാസ്‍മിന എന്നിവര്‍ക്കൊപ്പം രണ്ടു കുട്ടികളും ഒരു പൂച്ചയും പ്രധാന കഥാപാത്രങ്ങളായി എത്തുന്നു. മറുനാടന്‍ വേദികളില്‍ കഴിവ് തെളിയിച്ച ഒരുകൂട്ടം പ്രവാസി കലാകാരന്മാരും ചിത്രത്തില്‍ കഥാപാത്രങ്ങളായി എത്തുന്നുണ്ട്. 

തോമസ് തിരുവല്ല ഫിലിംസിന്‍റെ ബാനറില്‍ തോമസ് തിരുവല്ല നിര്‍മ്മിക്കുന്ന ഈ ചിത്രത്തിന്‍റെ ഛായാഗ്രഹണം അജ്‍മല്‍ സാബുവാണ്. ലൈന്‍ പ്രൊഡ്യൂസര്‍ വിനോദ് ഷൊര്‍ണൂര്‍, ഛായാഗ്രഹണം അജ്‍മല്‍ സാബു, എഡിറ്റിംഗ് രഞ്ജന്‍ എബ്രഹാം, കലാസംവിധാനം അജയ് മങ്ങാട്സ ചീഫ് അസോസിയേറ്റ് ഡയറക്ടര്‍ രഘു രാമ വര്‍മ്മ, സൗണ്ട് ഡിസൈന്‍ ജിതിന്‍ ജോസഫ്, വസ്ത്രാലങ്കാരം സമീറ സനീഷ്, മേക്കപ്പ് ശ്രീജിത്ത് ഗുരുവായൂര്‍, സ്റ്റില്‍സ് ജയപ്രകാശ് പയ്യന്നൂര്‍, വരികള്‍ സുഹൈല്‍ കോയ, കളറിസ്റ്റ് ശ്രിക് വാര്യര്‍. എല്‍ജെ ഫിലിംസ് റിലീസ്.

Follow Us:
Download App:
  • android
  • ios